KONSEPT NAZARIYASI: TILSHUNOSLIKDAGI O‘RNI VA AHAMIYATI

Аннотация

Konsept tushunchasi tilshunoslikda qadimdan qo‘llanib kelinadi, ammo uning zamonaviy talqini XX asrning ikkinchi yarmida kognitiv lingvistikaning rivojlanishi bilan bog‘liq. Tilshunoslikda «konsept» atamasining turlicha talqinlari ilgari surilgan. Atama bir vaqtning o‘zida bir necha sohalar zamirida talqin qilingani tufayli ham uning keng qirrali tabiati chalkashliklarga sabab bo‘lib kelmoqda. Xususan, R.Jekendoffning hazilomuz talqiniga ko‘ra, konsept nima ekanligining javobini psixolog, filosof yoki tilshunosdan so‘rash massa nima ekanligini fizik mutaxassisdan so‘rash bilan barobardir – savolga yagona javob mavjud emas. Tadqiqotchilarning ko‘pchiligi bu borada hamfikr emasdek ko‘rinsalar-da, mazkur yondashuvlarning tub ildizi juda yaqin.