Посттравматик церебрал арахноидитларни даволашда эндолюмбал озон ва пирацетам инсуфляциясининг самарадорлиги

Аннотация

Саноатнинг, транспортнинг замонавийлашиши, урбанизациянинг ўсиши йилдан йилга травматизмнинг, хусусан нейротравматизм салмоғининг сезиларли ошишига сабаб бўлмоқда. Краниоцеребрал травмалар (КЦТ) натижасида 45-60% беморларда турли ногиронлик гуруҳлари ривожланади ва меҳнат қобилиятининг вақтинча ва бутунлай чекланишига олиб келади [33, 34, 35, 36, 37, 45, 50, 53]. КЦТ соғлиқни сақлаш ва ижтимоий ҳимояланиш соҳаларининг долзарб муаммоларидан бўлиб ҳисобланади ва бу қуйидаги ҳолатлар билан ифодаланади: 1) КЦТ нинг кўпроқ меҳнатга лаёқатли ёшларда ва болаларда учраши; 2) юқори леталлик кўрсаткичлари, беморларда вақтинча ва доимий меҳнат қобилиятининг чекланиши; 3) демографияга бевосита салбий таъсири; 4) даволаш учун давлат томонидан ажратиладиган ва беморнинг оила аъзоларидан талаб қилинадиган катта иқтисодий маблағлар ва доимий ижтимоий ҳимоя [33, 34, 35, 36, 37,45].