“TASHABBUSLI BUDJET” ORQALI LOYIHALARNI MOLIYALASHTIRISH YO‘LLARI

Аннотация

Mazkur maqolada "Tashabbusli budjet" tizimi orqali loyihalarni moliyalashtirish yo‘llari tahlil qilinadi. Tashabbusli budjet tizimi, davlat va jamoatchilik o‘rtasidagi hamkorlikni mustahkamlash, iqtisodiy barqarorlikni ta’minlash va hududiy tengsizlikni kamaytirish uchun samarali vosita hisoblanadi. 2024-yilda O‘zbekistondagi tashabbusli budjet tizimi ijtimoiy loyihalar uchun mablag‘ ajratish va taqsimlashda sezilarli o‘zgarishlarni yuzaga keltirdi. Maqolada, shuningdek, mablag‘larning noto‘g‘ri taqsimlanishi, shaffoflik va monitoring tizimlaridagi muammolar ko‘rsatilgan. Tizim samaradorligini oshirish uchun shaffoflikni oshirish, monitoring tizimini takomillashtirish va xususiy sektor bilan hamkorlikni kengaytirish tavsiya etiladi. Bu yondoshuvlar, o‘z navbatida, tashabbusli budjet tizimining samarali ishlashiga yordam beradi va ijtimoiy infratuzilma rivojlanishini qo‘llab-quvvatlaydi. Kalit so‘zlar: Tashabbusli budjet, moliyalashtirish yo‘llari, ijtimoiy loyihalar, shaffoflik, monitoring, mahalliy rivojlanish, hududiy tengsizlik, davlat byudjeti, resurslar taqsimoti, xususiy sektor, iqtisodiy barqarorlik, jamoatchilik ishtiroki, samaradorlik.