TO‘QIMACHILIK SANOATINING RIVOJLANISHIGA TA’SIR KO‘RSATUVCHI OMILLAR TIZIMI

Аннотация

Ushbu maqolada to‘qimachilik sanoatining rivojlanishiga ta’sir ko‘rsatuvchi asosiy omillar tizimi tahlil qilinadi. Maqola to‘qimachilik sanoatining global bozorlar talabiga moslashuvi, ishlab chiqarish samaradorligini oshirish va eksport salohiyatini kengaytirish uchun texnologik, iqtisodiy, ekologik, siyosiy va ijtimoiy omillarning rolini o‘rganadi. Tadqiqotda Xitoy, Turkiya va boshqa rivojlangan davlatlarning tajribalari misolida texnologik innovatsiyalar, "yashil" texnologiyalarni joriy etish va mahsulot diversifikatsiyasining sanoat rivojlanishiga qanday ta’sir ko‘rsatishi tahlil qilingan. Shuningdek, O‘zbekiston to‘qimachilik sanoatini modernizatsiya qilishda bu omillarni hisobga olish zarurligi ko‘rsatilgan. Maqola to‘qimachilik sanoatini rivojlantirishda hukumat siyosati, tashqi savdo aloqalari va ijtimoiy barqarorlikning ahamiyatini ham yoritadi. O‘zbekistonning sanoatining global bozorlar bilan integratsiyasini kuchaytirish va barqaror rivojlanishiga erishish uchun tavsiyalar berilgan. Kalit so‘zlar: to‘qimachilik sanoati, sanoat rivojlanishi, texnologik innovatsiyalar, "yashil" texnologiyalar, mahsulot diversifikatsiyasi, ekologik barqarorlik, eksport salohiyati, ijtimoiy barqarorlik, siyosiy omillar, raqamli transformatsiya, mehnat resurslari, global bozorlar.