O‘ZBEKISTON RESPUBLIKASINI IJTIMOIY-IQTISODIY RIVOJLANTIRISH YO‘NALISHLARI

Аннотация

Iqtisodiy o‘sish – bu to‘liq bandlik sharoitida iqtisodiyotning potensial ishlab chiqarish darajasining uzoq muddatli o‘sish jarayonini anglatadi. U haqiqiy va potensial yalpi ichki mahsulot (YaIM) hajmining oshishi bilan ifodalanadi. Iqtisodiy o‘sishning tabiati, ayniqsa, resurslardan samarali foydalanish va ularni optimal taqsimlashni ta'minlash bilan bog‘liq muammolarni hal qilishga qaratilgan. Shuning uchun iqtisodiy o‘sish omillarini o‘rganish va ularning samaradorligini tahlil qilish jamiyat uchun juda muhim masala hisoblanadi. Iqtisodiy o‘sish mamlakatda real daromadlarning o‘sishi, shuningdek, har bir aholi uchun to‘g‘ri keladigan real daromadning oshishi bilan bog‘liq. Shu boisdan, iqtisodiy o‘sish ikki asosiy usulda o‘lchanadi. Birinchi usulda, iqtisodiy o‘sish real YaIM ning o‘tgan davrga nisbatan o‘zgarishini ifodalaydi va bu o‘zgarish mamlakatning umumiqtisodiy imkoniyatlarining dinamikasini ko‘rsatadi. Har bir mamlakat iqtisodiy o‘sishga intiladi, chunki u birinchidan, milliy mahsulot va daromadning ko‘payishiga, ikkinchidan, resurslardan yanada samarali foydalanishga, uchinchidan, yangi ehtiyojlar va imkoniyatlarning yuzaga kelishiga, to‘rtinchidan esa, xalqaro bozorlarda mamlakatning obro‘ va mavqeyining oshishiga olib keladi. Kalit so‘zlar: inflyatsiya, byudjet taqchilligini, yalpi ichki mahsulot, iqtisodiy o'sish, real daromad, moliyaviy barqarorlik.