ISLOMIY FINTECH: O‘ZBEKISTONDA SHARIATGA MOS MOLIYAVIY TEXNOLOGIYALARNI RIVOJLANTIRISH ISTIQBOLLARI

Аннотация

Mazkur tezisda "Islomiy Fintech: Shariatga mos moliyaviy texnologiyalarni rivojlantirish istiqbollari" mavzusi o‘rganiladi. Tezisda Islomiy moliya va Fintech (moliyaviy texnologiyalar) sohalarining nazariy asoslari, ularning jahon miqyosida rivojlanish tendentsiyalari va O‘zbekistonda bu yo‘nalishni rivojlantirish uchun zarur strategiyalar tahlil qilinadi. Tezisda, avvalo, Islomiy moliya tizimi, Shariat tamoyillari va moliyaviy texnologiyalarning o‘zaro bog‘liqligi batafsil o‘rganilgan. Keyin, Islomiy Fintechning global miqyosdagi rivojlanish statistikasi va O‘zbekistondagi ahamiyati keltirilgan. Dunyo bo‘yicha Malayziya, Indoneziya, Saudiya Arabistoni kabi mamlakatlar tajribasi misolida Islomiy Fintechning muvaffaqiyatli joriy etilishining asosiy omillari ko‘rsatilgan. O‘zbekistonda Islomiy Fintechni rivojlantirish uchun texnologik infratuzilmani yaxshilash, moliyaviy savodxonlikni oshirish, maxsus regulyatsiyalarni ishlab chiqish va xorijiy investitsiyalarni jalb qilish zarurligi ta'kidlangan. Tezisda, shuningdek, O‘zbekistonning Islomiy moliya sohasidagi mavjud imkoniyatlar va muammolar hamda ushbu muammolarni hal qilish bo‘yicha aniq tavsiyalar berilgan. Tezis, O‘zbekistonda Islomiy Fintechni rivojlantirishda yuridik va moliyaviy tuzilmalarga yangi imkoniyatlar yaratishi mumkinligini ko‘rsatadi. Bu esa mamlakatning iqtisodiy barqarorligini ta’minlashga, moliyaviy inklyuziyani oshirishga va xalqaro maydonda raqobatbardoshligini kuchaytirishga yordam beradi. Kalit so’zlar: Islomiy Fintech, Shariatga mos moliya, Raqamli moliya, Fintech innovatsiyalari, Moliyaviy texnologiyalar, O‘zbekiston iqtisodiyoti, Islomiy moliya tizimi, Raqamli transformatsiya, Moliyaviy inklyuziya, Xalqaro moliya bozori, Investitsiya va regulyatsiyalar, Islomiy moliya regulyatsiyalari, O‘zbekistonning raqamli iqtisodiyoti.