BALAND BINOLARNING ICHKI SUV TA'MINOTI TIZIMLARINI LOYIHALASHTIRISHGA ZAMONAVIY YONDASHUV

Аннотация

Maqolada baland binolarning ichki suv ta'minoti tizimlarini loyihalashtirishga zamonaviy yondashuv muhokama qilinadi. Bugungi kunda yirik shaharlarda baland binolar qurilishi jadal rivojlanmoqda. Bu baland binolarda qulay yashash sharoitini ta'minlash uchun ichki suv ta'minoti tizimlarini loyihalashtirishga maxsus yondashuvni ishlab chiqishni talab qiladi. Ichki suv ta'minoti tizimlarining yuqori ishonchliligini ta'minlash, muhandislik tizimlarini kapital ta'mirlashga xarajatlarni kamaytirish, shuningdek, turli xil avariyalarning oldini olish taklif etilmoqda. Binolarni avtomatlashtirish tizimlarini joriy etish suv iste'molini sezilarli darajada kamaytirishga va suvni tejashga imkon beradi. Kalit so‘zlar: baland bino, qurilish, ichki ta’minoti, suv tarqatish asbobi, suv ta’minotining aylanma tizimi, suvni tejash, binolarni avtomatlashtirish. Suv iste'molini bir kishiga sutkasiga 120 litr bilan cheklash, yomgʻir suvlaridan turli xoʻjalik maqsadlarida foydalanish, shuningdek, suv ta'minotining aylanma tizimlarini qoʻllash maqsadga muvofiq boʻlib qolmoqda. Yurtimizning yirik megapolislarining jadal rivojlanishi tufayli baland binolar qurilishi faollashdi. Masalan, poytaxtimiz Toshkent shahrida 50 qavatdan yuqori binolar qurilishi boshlandi va bunday qurilishlar yildan yilga oddiy holatga aylanip bormoqda. Baland binolar anchadan beri nafaqat arxitektorlar, balki muhandislarni ham qiziqtiradi, chunki ular avval loyihalashtirishda uchramagan masalalarni hal etishni talab qiladi. Bu muayyan masalalarni koʻtarishga va keyin ularga javob topishga, ularni loyihalashtirish amaliyotiga joriy etishga majbur qiladi. Yirik megapolislar uchun baland binolar qurilishining rivojlanishi muqarrar, chunki binolar qurish uchun er maydonlarining narxi keskin oshib bormoqda. Shu sababli bu masalani binolarning qavatliligini oshirish orqali hal etishga toʻgʻri kelmoqda. Bundan tashqari, baland binolar, masalan, shifokorlar va psixologlar kabi boshqa mutaxassislar muhokamasining faol ob'ekti hisoblanadi. 1110 Dekabr, 2024-Yil Baland binolarda sodir boʻlayotgan jarayonlar insonga turli xil ta'sir koʻrsatishi mumkin. Sifatli yashash muhitini yaratish uchun ularni oʻrganish zarur. Bugungi kunda baland binolar oʻz tomlari ostida koʻplab turli ob'ektlarni jamlab, ularga nafaqat turar joy binolari, balki doʻkonlar, jamoat ovqatlanish ob'ektlari va h.k. kiradi. Bu baland binolarni barcha iste'molchilarning talablarini qondiradigan qulay sharoitlar yaratish kerak boʻlgan universal ob'ektlar deb atashga imkon beradi. Baland binoning ichki suv ta'minoti tizimi quyidagi talablarga javob bergan holda loyihalashtirilishi kerak: - Tizimning uzoq muddat ishlash qobiliyati (nosozlik parametrlari paydo boʻlishiga qadar kamida 50 yil ishlashi); - tizimda suv sizishi va avariyalar yuz berganda iste'molchilar mol-mulkining saqlanishini kafolatlash; – Ob'ektda yuqori darajada yongʻin xavfsizligini ta'minlash; – Suv ta'minotining aylanma tizimlaridan faol foydalanish; – Binolarni avtomatlashtirish tizimini joriy etish; – Iste'molchilarga suvni zaxira suv ta'minoti manbalari orqali etkazib berishni ta'minlash; – Binoning suv iste'moli darajasini pasaytirish; – Yomgʻir suvlaridan turli maqsadlarda foydalanish tizimlarini ishlab chiqish va qoʻllash. Tizimning uzoq muddat ishlash qobiliyati deganda, uskunalarning toʻliq eskirishi natijasida toʻliq ishdan chiqish holati yuz bergunga qadar tizimning uzluksiz ishlashi tushuniladi. Bu erda sifatli uskunalarni qoʻllash, shuningdek, ularni ishlatish reglamentiga muvofiq ta'mirlash maqsadga muvofiq boʻladi. Bu uskunalarning erta buzilishining oldini olish imkonini beradi. Tizimda suvning sizib chiqishi va avariyalar yuz berganda iste'molchilar mulkining saqlanishini kafolatlash har bir baland binoda ta'minlanishi zarur boʻlgan muhim mezondir. Shu sababli, har bir turar-joy xonasida suvning sizib chiqishiga qarshi kurashish tizimini loyihalash tavsiya etiladi. Favqulodda holat yuz berganda, tizim suvning sizib chiqishini aniqlaydi va vodoprovod ustunidan turar-joyga suv kelishini majburiy ravishda toʻxtatadi. Hozirgi kunda bozorda bunday tizimlar koʻplab mavjud, biroq ular foydalanuvchilarning xohishiga koʻra oʻrnatilmoqda. Bu holatda ularni xonadonga kirishda suv iste'molini hisobga olish asboblari (suv hisoblagichlari) bilan birgalikda majburiy oʻrnatish haqida soʻz yuritish lozim. 1111 Dekabr, 2024-Yil Bundan tashqari, suvning sizib chiqishiga qarshi kurashish asboblarining ishlashi, berilayotgan suvning sifatiga, shuningdek, foydalanish yoʻriqnomasiga muvofiq ular bilan bajarilishi kerak boʻlgan ekspluatasion harakatlarga juda bogʻliq. Baland qavatli binolardan evakuasiya qilish ma'lum qiyinchiliklar bilan bogʻliq boʻlib, favqulodda vaziyatlar yuz berganda bu jarayon yanada murakkablashishi mumkin. Shu sababli, yongʻinning oldini olish, mol-mulk va eng muhimi, inson hayotini saqlab qolish uchun yongʻinga qarshi suv ta'minoti muhandislik tizimlariga katta umid bogʻlanmoqda. Yongʻinga qarshi suv ta'minoti tizimi