Mіgratsіya va rasmіy bandlіknі ta’mіnlashning xususuyatlari

Аннотация

Hozirda rasmiy bandlikni ta’minlash, mamlakat ichida mehnat resurslarining hududiy harakatini hamda tashqi migratsiya jarayonlarini nazorat qilish dolzarb mavzuga aylanib bormoqda. Ichki va tashqi migratsiya jarayonlari bir-biriga uzviy bog'liq bo'lib, ichki migratsiya muammosini hal etish tashqi mehnat migratsiyasini kamayishiga olib keladi. Har ikki migratsiya turi birmuncha salbiy va ijobiy ta'sirlarni o'zida jamlaydi. Mamlakat budjetiga xorijiy valyuta tushumining ortishi, mamlakatda ishsizlik darajasining kamayishi, migrantning oila daromadlari oshishiga hamda turmush sharoiti yaxshilanishi, yangi ish, yangi muhit migrantlarning ish tajribasi va dunyoqarashini kengaytirishi kabilarni migratsiya jarayonlarining afzalliklari sifatida ko'rsak, migrantlarning huquqlarini buzilishi, odam savdosi va diskriminatsiya holatlari, mehnat resursiga qo'shilgan holda inson kapitalining chiqib ketishi, mehnat migrantlarining uzoq vaqt uyda bo'lmasligi uning oilaviy ajrimlar ko'payishi, ichki migratsiya doirasida, mamlakatning qishloq hududlarida yashovchi fuqarolari poytaxtga ko'chib kelishi va asosiy mehnatga layoqatli ishchi kuchining markazda to'planishi, ishlab chiqarish kuchining notekis taqsimlanishiga olib kelishi kabi misollar esa mehnat migratsiyasining salbiy tomonlarini ochib beradi.