Мамлакатда яшил иқтисодиётни ривожлантиришнинг асосий йўналишлари

Аннотация

Ўзбекистон Республикаси Президентининг "2030 йилгача Узбекистан Республикасининг "Яшил" иқтисодиётга ўтишга қаратилган ислоҳотлар самарадорлигини ошириш бўйича чора-тадбирлар тўғрисида"ги қарорида саноат тармоқларида энергия самарадорлигини ошириш, ялпи ички маҳсулот бирлигига тўғри келадиган иссиқхона газлари ва энергия сарфи ҳажмини камайтириш, барча иқтисодиёт соҳаларида сув ресурсларидан фойдаланиш даражасини ошириш, сувнинг тежалишига хизмат қиладиган инновацион технологияларни жорий этиш, турли жойларда кўчатлар экиш орқали яшил майдон худудларини янада кенгайтириш каби муҳим вазифалар кўрсатиб берилган[1]. Шунингдек, "2019 - 2030 йиллар даврида Ўзбекистон Республикасининг "Яшил" иқтисодиётга ўтиш стратегиясини тасдиқлаш тўғрисида"ги Президент қарорида келтирилган корхона ва ташкилотларни модернизациялаш, уларнинг молиявий тизимларини оптималлаштириш каби вазифалар мамлакатнинг "яшил” иқтисодиётга ўтишининг асосий вазифалари сифатида кўрсатилган[2]. Бундан кўриниб турибдики, "Яшил иқтисодиёт"га ўтиш стратегияси мамлакатимизда 2019 йилдан бошлаб қабул қилинган бўлиб, ушбу йўналиш бўйича ижтимоий ҳамда иқтисодий ислоҳотлар амалга оширила бошланди. Меъёрий-хуқуқий хужжатларида келтирилган ушбу долзарб вазифаларни ҳал этиш, яшил иқтисодиёт шароитида корхоналар фаолиятини инновацион ривожлантириш, яшил иқтисодиёт шароитида логистика хизматларини ташкил этиш, хоссатан "яшил логистика” хизматлари фаолиятини такомиллаштириш бугунги куннинг энг долзарб вазифаларидан бири ҳисобланади. "Яшил иқтисодиёт бўйича чўнтак йўлланмаси - ҳаракат учун мисол (The Green Economy Pocketbook - The case for action)" томонидан қуйидагича таъриф келтирилган: "Яшил иқтисодиёт - бу сайёрамизнинг экологик чекловлари доирасида юқори ҳаёт сифатини таъминлайдиган мослашувчан иқтисодиёт”[3].