O‘ZBEKISTONDA UCHINCHI RENESSANS POYDEVORINING YARATILISHIDA GUMANITAR FANLARNING AHAMIYATI

Аннотация

Sobiq Sovet tuzumi davri va hozirgi zamon farmatsevtikasi orasidagi masofa qanchalar olis? Hozirgi kunda, Sobiq Ittifoq davr mukammalligini “olqishlab” kelayotgan ayrim insonlar, o‘sha paytdagi sog‘liqni saqlash tizimi ommaga ko‘rsatmagan ma’lumotlardan qay darajada bilganliklari bizga qorong‘u. Ming afsuski, biz ularning ko‘zlaridan SSSR davrini “yaltiratib” ko‘rsatgan ko‘zoynaklarini hali-hanuz yecha olmadik. Aslida o‘sha paytda siyosatchilarga nafaqat farmatsevtika sohasi, balki odamlarning sog‘lig‘idagi muammolarni ham qizig‘i yo‘q edi. Kasalliklarni davolash, uni oldini olishdek masalalar ularni tashvishga solmas, fikr-u hayoli odamlarni manqurt qilish, o’zlarining g’oyalarini ilgari surgan holda siyosatiga hammani birdek bo‘ysundirib, soddagina xalqimizni ketlaridan ergashtirish edi. Bolsheviklarning bong urib aytib kelgan yolg‘onlari Usmon Nosir, Abdulla Qodiriy, Cho‘lpon, Fitrat kabi qatag‘onchilik yillarida qurbon bo‘lganlarning “achchiq” qoniga botirilgan qizil tasma bilan qattiq bog‘langan edi. Shu sababli, “olqishlar”ga chek qo‘yib “qozon qopqog‘ini ochish”ning ayni payti kelgandir. Ushbu maqola orqali yuqoridagi masalaga biroz to’xtalib, ilmiy taxlil qilish dolzarb hisoblanadi.