XARAKTER AKCENTUACIYASIN ÚYRENIW

Аннотация

Usı tezis shaxs psixologiyalıq qásiyetlerinen biri bolǵan xarakter akcentuaciyasın ilimiy analiz etiwge arnalǵan. Akcentuaciya túrleri, olardıń rawajlanıw mexanizmleri jáne social áhmiyeti kórip shıǵılǵan. Izertlewdiń maqseti - jeke pazıyletler hám akcentuaciya arasındaǵı baylanıslılıqtı anıqlaw bolıp tabıladı. Kirisiw Insan xarakteri onıń ishki álemi hám sırtqı ortalıq menen qatnasınıń tiykarǵı ańlatpası bolıp tabıladı. Xarakter akcentuaciyası - bul shaxs qásiyetleriniń hádden tıs kúsheytiwi bolıp, olar ayırım jaǵdaylarda máseleler keltirip shıǵarıwı yamasa kerisinshe, zárúrli artıqmashılıqlar beriwi múmkin. Usı maqalada K. Leonhard hám A. Lichko klassifikaciyaları tiykarında akcentuaciya fenomeni anıqlanadı. Tiykarǵı bólim Xarakter Akcentuaciyasi Túsinigi Xarakter akcentuaciyası - bul psixologiyada keń úyrenilgen túsiniklerden biri bolıp, birinshi ret Karl Leonhard tárepinen kiritilgen. Onıń pikirine kóre, hár bir insanda individual ayrıqshalıqlar bolıp, olar ayırım jaǵdaylarda hádden tıs kúsheyedi. Leonhard akcentuaciyanıń tómendegi túrlerin ajratgan: gipertimik, distimik, emosional, pedantik hám basqalar. Keyinirek A. Lichko bul klassifikaciyanı jaslar psixologiyasına maslastırıp, 10 nan artıq jańa túrlerdi qosqan. Akcentuaciyanıń Rawajlanıw Sebepleri Akcentuaciya qáliplesiwinde tómendegi faktorlar zárúrli orın tutadı : Násillik faktorlar: Genetikalıq beyimlik. Social ortalıq: Shańaraqqa tiyisli tárbiya, jámiettiiń tásiri. Psixologiyalıq jaǵdaylar : Stress, travmatik hádiyseler. Akcentuaciya Túrleriniń Tásiri Akcentuaciyanıń ayırım túrleri insannıń social iskerligine járdem berse, basqaları bolsa máseleler keltirip shıǵaradı: 793 Dekabr, 2024-Yil Unamlı tásir: Gipertimik tipdegi adamlar kóbinese basshılıq qábiletine iye boladı. Unamsız tásir: Distimik tipdagi shaxslar social aktivlikten shetlesiwge beyim boladı. Máseleler Xarakter akcentuatsiyasi insannıń ómiriniń túrli iskerlik tarawılarında qatar mashqalalardi keltirip shıǵarıwı múmkin. Olardıń tiykarǵı túrleri tómendegiler bolıp tabıladı: 1. Social kelisiwdegi qıyınshılıqlar Akcentuatsiya túrleri geyde shaxstıń jámiyette iykemlesiw procesin qıyınlastıradı. Mısalı: Gipertimik tipdagi insanlar hádden tıs aktiv bolıp, olar basqalarǵa hawlıqpalıq yamasa itibarsızlıq retinde kórinisi múmkin. Pedantik tip: Tártipke hádden tıs baylanısıw sebepli ózgeriwshen ortalıqqa iykemlesiwde qıyınshılıqlar júzege keledi. 2. Shaxslararalıq qatnaslardaǵı qarama-qarsılıqlar Emosional tip: Sezimlerdiń hádden tıs kúshli ańlatılıwı tushunmovchiliklarni keltirip shıǵaradı. Demonstrativ tip: Itibardı ózine tartıwǵa umtılıw jaqın qatnaslarda qarama-qarsılıqlarǵa sebep boladı. Diagnostika hám Úyreniw Metodları Xarakter akcentuaciyasın anıqlaw ushın tómendegi usıllar qollanıladı : A. Lichko testi: Jaslar arasında keń qollanıladı. Baqlaw hám sáwbet: Jeke ayrıqshalıqlardı analiz qılıwda zárúrli. Psixometrik metodlar : Social -kelisiw dárejesin anıqlaw. Juwmaq Xarakter akcentuaciyasi shaxs psixologiyasın tereńrek túsiniwge múmkinshilik beredi. Bul ayrıqshalıqlardı waqıtında anıqlaw hám analiz qılıw insannıń socialliq ómiri hám jeke rawajlanıwda zárúrli rol oynaydı. Izertlewler dawamında diagnostika usılların jetilistiriw hám akcentuaciya boyınsha ámeliy máslahátlerdı islep shıǵıw kerek.