INTERNETDAN FOYDALANISHNING KONSTITUTSIYAVIY HUQUQIY ASOSLARI: INTERNETNING MUQOBILLARI.

Аннотация

Internetni, uning jamiyat hayotidagi rolini o‘rganar ekanmiz, Internetning muqobillariga to‘xtalib o‘tmasdan bo‘lmaydi. Darhaqiqat, Internetning o‘zi yer sharining katta qismida inson hayotini jiddiy o‘zgartirib yuborgan turli-tuman fundamental ilmiy tadqiqotlar mahsulidir. Albatta, texnologiyalarning rivojlanishi va davlatlarning Internetga nisbatan siyosati u yoki bu darajada uning muqobili sifatida qaralishi mumkin bo‘lgan hodisalarni keltirib chiqaradi. Bu muqobillarga e’tibor qaratish muhim, chunki ular ham axborot texnologiyalari taraqqiyoti natijasi bo‘lib, Internet bilan funksional o‘xshashlikka ega. O‘z navbatida, Internet muqobillarining tadqiqi ularga xos bo‘lgan afzallik va kamchiliklarni tushunish va ularning fonida Internetning inson va fuqaro huquqlari obyekti sifatidagi qiymatini aniqlash imkonini beradi.