ENDOKRIN OFTALMOPATIYADA EKSTRAOKULYAR MUSHAKLAR VA KO'Z ICHI BOSIMINI O'RGANISH NATIJALARINI QIYOSIY BAHOLASH

Аннотация

Endokrin oftalmopatiya (EOP) qalqonsimon bezning disfunksiyasi natijasida kelib rivojlanuvchi autoimmun kasallik bo'lib, surunkali progressiv shaklda orbita yumshoq to‘qimalarining yallig‘lanishi va ekstraokulyar mushaklar (EOM) qalinlashishi bilan namoyon bo‘ladi. Oxirgi o‘n yillik davomida EOP asosan yosh, mehnatga layoqatli va reproduktiv yoshdagi odamlar o‘rtasida ko‘paymoqda [1]. Ilmiy adabiyotlarda EOP fonida ko‘z olmasi hamda uning yordamchi qismlarida kuzatiladigan patologik jarayonlar haqida ko‘plab ma’lumotlar keltirilgan, lekin ular o‘rtasidagi bog‘liqlik (masalan: ko‘z ichki bosimi, EOP og‘irlik darajasi va EOM shishi) haqidagi tadqiqot natijalari kamchilikni tashkil qiladi [2,3,4,5]. Klinik tadqiqotlar xulosasiga ko‘ra EOP kasalligi bor bemorlarning ¼ qismida ko‘z ichki bosimi oshishi aniqlangan. Buning asosiy sababi sifatida esa quyidagilar ko‘rsatib o‘tilgan: orbital venoz dimlanish, orbital yumshoq to‘qimalar hajmining oshishi va shishgan EOMning ko‘z olmasini bosishi [6,7,8].