Способ лечения сельскохозяйственных животных препаратом Рифизостреп

Аннотация

Ушбу мақолада Ветеринария илмий тадқиқот институти Туберкулёз лабораторияси олимлари томонидан яратилган туберкулёзга қарши “Рифизостреп” препаратининг қишлоқ хўжалик ҳайвонларининг респиратор, ошқозон-ичак, гинекологик, жаррохлик, офтальмологик ва гипо- ва авитаминозлар профилактикаси учун қўлланилиши ҳақида баён қилинган. Калит сўзлар: Рифизостреп, респиратор, бронхит, бронхопневмония, гинекология, жаррохлик, абсцесс, флегмона, офтальмология, кератит, кератоконьюнктивит, блефарит, гиповитаминоз, авитаминоз. Ветеринария илмий тадқиқот институти Туберкулёз лабораторияси олимлари томонидан яратилган туберкулёзга қарши “Рифизостреп” препарати қишлоқ хўжалик ҳайвонларининг турли касалликларини даволаш ва олдини олишда самарали восита бўлиб хизмат қилмоқда. Препарат фармакопея дориворларидан ташкил топган бўлиб, унинг таркибига кирувчи дориворлар кенг таъсир кўрсатиш доирасига эга ва бактериал касалликлар қўзғатувчиларига қарши бактериостатик ҳамда бактерицид таъсир этувчи кимёвий дориворлар ва антибиотиклар комплексидан иборат комбинацияланган комплекс суспензия. Шакл ясовчи элемент сифатида витаминли ўсимлик мойи қўлланилган. Препарат ташқи муҳит учун безарар, организмга номутаносиб таъсир кўрсатмайди. Препарат физико-кимёвий хусусиятига кўра, қизғиш рангли ташқи кўринишга эга бўлиб, витаминли ўсимлик мойидан иборат суспензия шаклида, ўзига хос ҳидли, сувда эримайди. Сақлаш давомида идиш тубига препаратнинг таъсир этувчи асосий компонентлари чўкма ҳосил қилади. Препаратни қўллашдан олдин бир жинсли гомоген мойсимон суспензия ҳолати ҳосил бўлгунча яхшилаб чайқалтириб аралаштириб олинади. Йилнинг совуқ фаслида флаконлар сув ҳаммомида (+36 + 40ОС) иситиб олинади. Препарат 100-200 мл сиғимли шиша флаконларда қадоқланади. Ҳар бир флакон оғзи резина тиқин билан ёпилади ва устидан алюмин қопқоқча ёрдамида маҳкамланади. Ҳар бир флаконга ёрлиқ ёпиштирилади ва унда ишлаб чиқарувчи ташкилот ва препарат номи, тайёрланган вақти ва яроқлилик муддати, Ташкилот стандарти (Тs), серияси ва давлат назорати рақамлари, миқдори ва қўллаш тартиби, ҳамда сақлаш шароити ва муддати кўрсатилади. Флаконлар картон ёки тахта қутиларга жойлаштирилади ва юк ташиш 22 1-noyabr 2024-yil. 4 Veterinariya sohasidagi dolzarb muammolar yechimi yosh tadqiqotchilar talqinida | TO‘PLAM – 2/24 воситалари орқали ташилади. Препарат қоронғи ва салқин шароитда хона ҳароратида (+14+18оС) сақланади. Яроқлилик муддати-ишлаб чиқарилган кундан бошлаб 12 ой. Фармокологик хусусиятига кўра, Рифизостреп таркибига кирувчи компонентлар тиббиёт ва ветеринарияда қўлланилади ва кенг доирали антимикроб таъсирига эга бўлиб, фармакокинетикаси туберкулёз микобактериялари, атипик микобактериялар, Риккетсиялар, Micobacterium leprae, грамманфий (кокклар, ичак таёқчалари, сальмонеллалар, клебсиеллалар, туляремия ва б.ш.) ва граммусбат (лептоспирозлар, стафилакокклар, пневмококклар, стрептококклар) микроорганизмларга бактерицид ва бактериостатик таъсир кўрсатади. Препарат айрим тур вирусларга вирулоцид таъсир кўрсатиш хусусиятига эга. Препарат таркибига кирувчи компонентларнинг ўзаро комбинацияси - синергетик (бир дори таъсирини иккинчиси кучайтириши) ва пролонгация (дорининг таъсир муддатини узайтириши) самарасини беради. Фармакокинетикасига кўра, препарат таркибидаги витаминли ўсимлик мойи адьювант вазифасини бажаради ва узоқ муддат давомида (30 кунгача) организмга секин сўрилиб туради ва пролонгация хусусиятини беради. Рифизостреп таркибидаги изониазид (тубазид) препарати организм хужайраси ичида ва ташқарисида миграция қилаётган бактерияларининг ташқи мембранаси структурасини бузиш хусусиятига эга. Хужайра мембранаси бузилган касаллик қўзғатувчисининг цитоплазмасига антибиотик препаратлари осонлик билан киради ва махсус оқсил рецепторларидаги рибосомаларнинг 30S суббирлиги билан бирикади. Бу полирибосомаларнинг бузилиши ва ДНК дефектига олиб келади. Рифампицин кенг антимикроб ва вирулоцид таъсирга ҳам эга, маҳаллий яллиғланиш ҳамда некроз жараёнини олдини олади. Парентерал (тери остига) йўл билан юборилган препаратнинг инъекция жойида депо ҳосил бўлиб, секин сўрилади ва организмда 15-20 кундан сўнг максимал тўпланади ва 30 кунгача сақланади. Препарат организмдан асосан буйрак ва ўт суюқлиги орқали ажралиб чиқади. Препарат ҳайвонларнинг ўнг ёки чап томон бўйин қисмига, курак-елка бўғинидан 10-15 см олд томонига ва тўшлик қисми тери остига юборилади. Гинекологик, офтальмологик ва жарроҳлик касалликларида жароҳат ва яллиғланиш жойига пипетка ёрдамида томизилади. Препаратнинг бир марта иньекция қилиш дозаси ҳайвонларнинг тирик вазнига кўра, ҳар 100 кг вазнга 5 мл. ҳисобида юборилади. Тирик вазни 400 кг ва ундан юқори ҳайвонларга 20 мл. дан ортиқ юбориш мумкин эмас. Препаратни жароҳат жойига томизиш яллиғланиш даражаси ва локализациясига боғлиқ бўлиб, 1-2 мл дан 20 мл гача юбориш мумкин. Масалан, кўз орбитасига 1-2 мл томизилса, бачадон бўшлиғига 20 мл гача, жарроҳат жойига 5-20 мл томизилади. Препаратни 10 кунлик ёшдан бошлаб физиологик ҳолатидан қатъий назар барча турдаги ҳайво