Течение и бактериологическое течение сальмонеллы у кроликов методы проверки

Аннотация

В статье описаны особенности клинических проявлений, патогенез, патоморфологические, бактериологические исследования и дифференциальная диагностика сальмонеллеза кроликов в различных хозяйствах. Ключевые слова: слизистая оболочка, точечные кровоизлияния. геморрагическое кровотечение, ГПБ, элективные среды Эндо, Левина, Сальмонелла-шигелла, возбудитель. Summary: The article describes the features of clinical manifestations, pathogenesis, pathomorphological and bacteriological studies in differential diagnosis salmonellosis of rabbits in farms with a livestock department. Keywords: mucous membrane, petechial hemorrhages. hemorrhagic bleeding, GPB, elective media Endo, Levenа, Salmonella-Shigella, pathogen. Мавзунинг долзарблиги: Хонакилаштирилган қуёнлар Европадаги “DOGO” авлодидан келиб чиққан ва уй шароитида парваришланган турли хил зотларга эга бўлган ягона тур ҳисобланади. Европа, Австралия, Жанубий Америка, Жанубий Зеландия ва Ўрта Осиё давлатлари ҳамда Россияда 10000 мингдан ортиқ қуёнчилик фермалари бўлиб, кўпчилиги мўйначилик йўналишларига ихтисослаштирилган. Ўзбекистонда қуёнчилик тармоғини ривожлантиришда наслчилик – селекция ишлари, қуёнларда учрайдиган турли касалликлар, уларни парвариш қилиш ва кўпайтиришда айнан қайси жиҳатларига эътибор қаратиш лозимлиги каби саволларга ойдинлик киритиш мақсадида “Агроинновация” лойиҳасига доир кластрум қуёнчиликни ривожлантиришда кўпгина инновацион лойиҳаларни амалга ошириш режалаштирилмоқда. Жумладан, Президентимиз Ш.М. Мирзиёевнинг 2020 йил май ойида Андижон вилоятида айнан агрокластерга ташрифларида қуёнчиликни ривожлантириш учун қатор лойиҳаларни амалга оширишни белгилаб берди. Мазкур лойхаларни амалга ошириш мақсадида қуёнчиликни ривожлантиришда аҳоли хонадонларида қуён боқиш ва етиштириш учун қуёнларнинг юқумли касалликларининг олдини олиш ва уларга қарши курашиш ҳозирги куннинг долзарб масалалардан биридир. Қуёнларнинг кўпайиши ва ривожланишига кескин тўсқинлик қиладиган касалликлардан бири сальмонеллёз касаллиги бўлиб, она қуёнлар ва ёш 187 қуёнларнинг кўплаб ўлимига сабабчи бўладиган касалликлардан биридир. Ҳозирги кунгача салмонеллёз касаллигини йирик шохли ҳайвонларда, майда шохли ҳайвонларда, паррандларда, қолаверса, баъзи мўйнали ҳайвонларда тўлиқ ўрганилганлиги адабиётларда ёритилган, лекин қуёнларнинг сальмонеллёз касаллигининг патоморфологик дифференциал диагностикаси, тезкор ташхис қуйиш усуллари, даволаш ва олдини олишнинг янги замонавий усуллари ўрганилмаган. Қуёнларни парваришлашда санитария қоидаларига риоя қилмаслик, нотўғри парваришлаш оқибатида куёнлар резистентлтгининг пасайиши ва ушбу касалликнинг авж олиши аниқланган. Тадқиқот мақсади: Ҳозирги кунда қуёнлар орасида кўп учраб уларнинг ўлимига сабаб бўлаётган сальмонеллёз касаллигининг кенг тарқалганлиги ва мазкур касалликни замонавий янги усуллар орқали олдини олиш, даволаш, патоморфологик хусусиятларини ҳамда дифференциал диагностикасини ўрганиш касалликка қарши курашиш чораларини яратиш мақсадга мувофиқдир. Тадқиқот усуллари: Сальмонеллёз касаллиги 1-3 ойликкача бўлган ва ҳомиладор қуёнларда кечадиган касаллик ҳисобланиб, касалланиб тузалган катта ёшдаги қуёнлар бу касалликнинг ташувчиси бўлиб хизмат қилади. Касаллик, асосан, ёз ва кузда кузатилади. Қуёнларда бу касаллик метрит, абортли шакли ва ошқозон-ичак касалликлари шаклида кечади. Асосий манба бу Salmonella қўзғатувчиси ҳисобланади. Salmonella қўзғатувчиси Enterobacteriaceae оиласига мансуб бўлиб, ўз навбатида. кичик бир турларга бўлинади. Salmonellaларнинг икки ярим мингдан ортиқ тури аниқланган ва қуёнларда, асосан, Salmonella enterdidis ва S. hessarek қўзғатиши аниқланган. (С.В.Леонтюк 1974 й., С.В.Юращик 2005 й.). Бу касалликнинг ўткир ва сурункали тарзда кечиши ҳозирги кунда сир эмас. Инфекция манбаи касалликни ташувчи ёввойи кемирувчилар, ёввойи паррандалар (ўрдак, ғоз, цесарка ва бошқ) ҳамда касалланган ҳайвонлар ва касалланиб тузалган қуёнлар ташувчиси ҳисобланади. Қуёнлар абортли сальмонеллёзи ҳомиладорликнинг иккинчи ярмида бошланиб туғишга 10-12 кун қолганда аборт кузатилади. Патологоанатамик ўзгаришлар, асосан, бўғоз қуёнлар бачадонидан аниқлаш мумкин. Бу туғишдан олдин метрит шаклида кузатилади. Туғгандан кейин йўлдош тезда тушмайди кечиктирилади. Йўлдошидан олинган патологик намуна бактериологик текширилганда сальмонелла қўзғатувчисини ажратиш мумкин. Тадқиқот обекти: Ветеринария илмий тадқиқот институти микробиология лабораторияси, Самарқанд вилояти Ургут тумани, Жиззах вилояти Ғаллаорол тумани, 2 ва 3 ойлик қуёнлар гавдаси, патоморфологик текширишлар натижалари. Тадқиқот натижалари: Патомарфологик ёриб кўрилганда ўпкада икки томонлама бронхопневмониянинг ривожланиши, трахеяда нуқтали қон қуйилишлар кузатилди. Юрак чап томон бўлмачасининг инфаркти, перикардда қон аралаш эксудатнинг кўриниши, жигар ҳажмига катталашган юзасида оқсилли дистрофик ўзгаришлар, йўғон ичак ва ўникки бармоқли ичакда газ тўпланиши, ёриб кўрилганда ичак деворлари шишган, шилимшиқ эксудат билан қопланган, эпителий шиллиқ пардасида некротик