ZAYNIDDIN VOSIFIYNING “BADOYE’ UL – VAQOYE’ ASARI – BUXORO TARIXIGA OID MUHIM MANBA

Аннотация

Shayboniylar davrida yozilgan yoki shayboniylar davri ijtimoiy hayotini aks ettiruvchi tarixiy manbalarning umumiy soni o‘ndan ortiq. Shu jihatdan bu davr tarixnavisligi, temuriylar davri bilan qiyos qilganda, ustunlikka ega. Temuriylar davri tarixnavisligidagi an’analar shayboniylar davriga ko‘chganligi ayrim asarlarning yozilish uslubida namoyon bo‘ladi. Masalan, shayboniylar davri ayrim tarixiy asarlarida markaziy o‘rinni oliy hukmdor, uning shonli janglari, mutlaq hokimiyati masalalari egallaydi. Ayniqsa Muhammad Shayboniyxon va Abdullaxon shaxsiyati va yuritgan siyosati davr tarixiy asarlarida yetakchi maqomda turadi.