Лабораторные испытания туберкулина «ВИТИ БИОВЕТ»

Аннотация

Лабораторные испытания ВИТИ-БИОВЕТ туберкулина. В статье приводятся результаты лабораторных испытаний опытной серии туберкулина “НИИВ-БИОВЕТ” разработанного в лаборатории по изучению туберкулѐза НИИВ совместно с сотрудниками ООО “Биовет”. По результатам исследований препарат туберкулин обладает достаточной специфической активностью. В опытах на морских свинках сенсибилизированных вакциной БЦЖ активность туберкулина составило 49000 ТЕ. Ключевые слова: туберкулѐз, штамм, микобактерия, бовис, доза, вакцина БЦЖ, аллергия, аллерген, титр, диагностикум, ППД туберкулин, ТЕ, туберкулинизация, сенсибилизация, папула, специфический активность. Кириш. Республикамизда қишлоқ хўжалик ҳайвонлари орасида туберкулѐзни тарқалишининг ўзига хос хусусиятларини ўрганиш, эмланган ва касалланган ҳайвонларда бир хил аллергик реакция намоѐн бўлиши, ППД туберкулин диагностикумининг ишлаб чиқилмаганлиги каби муаммолар ўз ечимини тўлиқ топгани йўқ. Айниқса, касаллик қўзғатувчисининг қишлоқ хўжалик, уй ва ѐввойи ҳайвонлар ҳамда паррандаларга ва ҳатто инсон организмига миграция қилиши Ўзбекистон ҳудудида касаллик бўйича эпидемик ва эпизоотик ҳолатнинг мураккаблашувига олиб келиши мумкин. Шунинг учун Республикамизни туберкулѐз эпизоотиясидан соғломлаштиришда муҳим аҳамиятга эга бўлган самарали диагностикум ва кимѐвий-махсус воситалар комплексини яратиш ва уни такомиллаштириш ҳамда резистент туберкулѐз штаммларига қарши маҳаллий хом ашѐлардан фойдаланиб, янги туберкулостатиклар комплексини яратиш борасида тадқиқотлар олиб бориш долзарб муаммо ҳисобланади. Туберкулѐз аллергияси - иммунологиянинг классик мисоли бўлсада, хусусан туберкулѐз касаллигида аллергия масаласи тўлиқ ўрганилмаган ва мавҳум муаммо бўлиб келмоқда. Фанда туберкулѐз аллергияси ҳақида ҳали маълумотлар кам, секин типда чақириладиган аллергия субстрати ҳозирча номаълум (1). Туберкулѐзга аллергик текширишнинг моҳияти шундан иборатки, туберкулѐз қўзғатувчиси ѐки бошқа турдаги микобактериялар юққан ҳайвонларни туберкулин синамаси ѐрдамида аниқлаш ҳисобланади (2). Симультан текширишни қўллаш аллергия махсуслигининг тур бўйича мутаносиблигига асосланган бўлиб, ҳайвонларда сенсибилизация чақирган ва авлод жиҳатидан бир-бирига яқин микобактерияларга яққол жавоб реакцияси бериш билан ифодаланади (5). Ҳайвонларда туберкулинга нисбатан жавоб реакциясини баҳолашда тери реакциясининг пайдо бўлиш тавсифи ҳайвоннинг умумий физиологик ҳолати ва организмни қайси тур AGROBIOTEXNOLOGIYA VA VETERINARIYA TIBBIYOTI ILMIY JURNALINING MAXSUS SONI 382 "ПЕРСПЕКТИВНЫЕ ЗАДАЧИ РАЗРАБОТКИ И ВНЕДРЕНИЯ ИННОВАЦИОННЫХ ТЕХНОЛОГИЙ В ВЕТЕРИНАРИИ И ЖИВОТНОВОДСТВЕ" международная научно-практическая конференция 14-15 октября микобактериялар билан сенсибилизацияланганлигига ва ўша турга оид туберкулинга жавоб реакцияси натижаси билан баҳоланади (4). Cўнгги йилларда ВИТИ туберкулѐзни ўрганиш лабораторияси ва Тошкент шаҳрида жойлашган “Биовет” МЧЖ билан ҳамкорликда маҳаллий ППД туберкулин диагностикуми ишлаб чиқарилди. Препаратнинг махсус фаоллиги ВИТИ туберкулѐзни ўрганиш лабораториясида синовдан ўтказилди. Материал ва услублар. Туберкулин тайѐрлаш учун ВИТИ туберкулѐзни ўрганиш лабораторияси музейида мавжуд М.вovis 8-03 штаммининг культурал-морфологик, тинкториал ва бошқа хусусиятлари солиштирма равишда ўрганилди. Культурал услуб билан колонияларни ўсиш тезлиги ва ҳосилдорлиги аниқланди. Бунинг учун электив Левенштейн-Йенсен, Гелберг ва Сотон (суюқ синтетик) озиқа муҳитларидан фойдаланилди. Туберкулин тайѐрлаш учун М.вovis 8-03 штамми модификациялаштирилган Сотон озиқа муҳитида ўстирилди. 1 литр озиқа муҳитидан 600 мг -дан 13 гр. бактериал масса олиш мумкин. 45-60 кун давомида термостатда +370Сҳароратда ўстирилган бактериал масса автоклавда стерилизация қилиниб фаолсизлантирилди, ишқорсизлантирилди, фильтрланди ва қадоқланди. Тадқиқотларнинг натижалари. Туберкулиннинг тажриба сериясини тайѐрлаш учун дастлаб электив Левенштейн-Йенсен озиқа муҳитида ўстириб олинди. Штаммни матрли колбаларга экиш учун бактериал масса дастлаб қаттиқ озиқа муҳитларида 12-18 кун давомида ўстириб олинди. Пробиркаларда ўсиб чиққан туберкулѐз колонияларидан бокс шароитида суспензия тайѐрланди ва матрли колбаларга Пастер пипеткалари ѐрдамида экилди ва t=+37°С ҳароратда термостатда инкубацияга қўйилди. Экмалар 60-90 кун муддатгача сақланди. Экилган колбалар бир ҳафтада бир марта тафтиш қилиб борилди. Матрли колбаларга экилган штамм озиқа муҳити юзасида дастлаб юпқа нозик пленка ҳосил қилиб ўсди. Кейинчалик бу пленка аста секин қалинлашиб бурамасимон кўринишга эга бўлди. Инкубация охирида озиқа муҳити юзасида қалинлашган ажинсимон кўринишли массага айланди ва оқ-қўнғир рангга эга бўлди. Озиқа муҳитининг ранги тиниқлигича қолди, баъзан тўқ сариқ ѐки тўқ қўнғир рангга киради.Колонияларнинг ўсиш ҳосилдорлиги 2-3 плюс (20-100 ва 100-200) колония даражасида бактериал масса олинди. Культурал суюқликдан бактериал масса центрифуга орқали ажратиб олинди. Олинган бактериал культурал масса 2 атм. босим 1100С ҳароратда 10 минут давомида автоклавда фаолс