ЁШЛАРНИ ВАТАНПАРВАРЛИК ВА ҚАХРАМОНЛИК РУҲИДА ТАРБИЯЛАШДА ТАРҒИБОТ-ТАШВИҚОТ ИШЛАРИНИНГАҲАМИЯТИ

Аннотация

This article discusses the importance and role of propaganda in educating the young generation in the spirit of patriotism and national heroism. Key words: Patriotism, heroism, education, lessons of courage, national grief, peace, national value. ЗНАЧЕНИЕ ПРОПАГАНДИЧЕСКОЙ ДЕЯТЕЛЬНОСТИ В ВОСПИТАНИИ МОЛОДЕЖИ В ДУХЕ ПАТРИОТИЗМА И ГЕРОИЗМА Аннотация. В данной статье подчеркивается значение и роль пропаганды в воспитании молодого поколения в духе патриотизма и национального героизма. Ключевые слова: патриотизм, героизм, долг, воспитательная работа, уроки мужества, мир, национальные ценности. Бугунги кун ёшларини чин маънодаги ватанпарвар инсон бўлиб шаклланишларида, уларда фидойилик ва қаҳрамонлик руҳини шакллантиришда оммавий тарғибот-ташвиқот ишларининг аҳамияти беқиёсдир. Талабаларни ватанга садоқат руҳида тарбиялашда, тарбиянинг турли шакл ва услубларидан самарали ҳамда ўз навбатида илмий, назарий ва психологик жиҳатдан тўғри ёндошиш, таълим-тарбия сифати ва самарадорлигини оширишга хизмат қилади. Бундай масалани ҳал қилиш учун эса ўқитувчи ва мураббийлардан чуқур билим ва катта тажриба талаб қилинади. Бугунги кун талабасини ҳар томонлама ривожлантириш осон иш эмас албатта. Лекин уларни тарбиялаш масаласини, ватанпарварлик тарбиясининг турли шаклларини мақсадли қўллаш билан амалга ошириш мумкин. Бунинг учун ватанпарварлик ва қаҳрамонлик руҳини шакллантиришда ватанпарварлик тарбиясининг синовдан ўтган қатор шакл ва услубларидан фойдаланиш зарур. Тарбиянинг қуйидаги шакл ва услубларидан фойдаланиш тавсия этилади: - Ватанпарварлик мавзусидаги маърузалар, суҳбатлар, ҳикоялар, мавзулаштирилган кечалар, қаҳрамонлик ва ватанпарварлик мавзусидаги саёҳатлар, жасорат дарслари, ҳарбий- спорт мусобақалари, ҳарбий ватанпарварлик мавзусидаги кинофильмлар намойиши, турли учрашувлар, “Шунқорлар ҳарбий спорт ўйинлари” ва бошқалар. 3 78 International scientific journal ISSN: 2181-3906 «MODERN SCIENCE АND RESEARCH» 2024 VOLUME 3 / ISSUE 6 / UIF:8.2 / MODERNSCIENCE.UZ Ватанпарварлик тарбиясининг бундай ҳилма-хил ва кенг кўламли олиб бориш, ўқувчи ёшларнинг турли психологик қатламлари ва ёш гуруҳлари ўртасидага тафовут ва фарқланишларни бартараф қилади, ҳамда тарбия жараёнида самарадорликни таъминлайди. Масалан, қайсидир бир ўқувчи китоб ўқишга, яна қайсиниси кинофильм томоша қилишга ва яна қайси бири, спорт ўйинлари ва мусобақаларга қизиқади. Бу табиий хол албатта, шунинг учун ватанпарварлик тарбиясида ҳамда қаҳрамонлик туйғусини шакллантиришда кенг тармоқли услублардан фойдаланиш мақсадга мувофиқдир. Ватанпарварлик тарбиясининг ҳар бир услуби ва шакли, талаба ёшларда ўзига хос тарбия жихатларини шакллантиради. Масалан, жасорат дарслари энди шаклланиб келаётган, ҳаётда ўз идеалини излаётган талаба учун, айнан ушбу инсонга ўхшаш керак деган ижобий фикрни шакллантирса, спорт мусобақалари, уларда жамоа билан ҳамкорлик қилиш, ўз ўртоқларига ғамхўрлик қилиш, жамоа учун қайғуриш, жамоаниниг ва ўзининг ор-номуси учун курашиш каби ҳислатларни шакллантиради. Саёҳатлар давомида ўқувчилар аждодлар жасорати, уларнинг шонли ишлари ҳақида батафсил маълумотга эга бўладилар. Бундан ташқари ўқувчилар билан ватанпарварлик мавзусида ёзилган бадий адабиётлар, китобларни оммавий ўқиш ва ушбу китоблар асосида назарий анжуманлар, китоблар муҳокамаси каби тадбирарни мунтазам ташкиллаштириб бориш, бир томондан ёшларда китоб ўқишга бўлган иштиёқни тарбияласа, иккинчи томондан бу китоблар орқали халқимизнинг миллий эътиқоди, маънавий қадриятлари, бурч, ватанга муҳаббат, миллат келажаги, юрт манфаатини шахсий манфаатдан устун қўйиш каби хислатларни тарбиялаш билан бир қаторда бадиий саводхонликни ҳам тарбиялайди. Шуни алоҳида эътироф этиб айтиш керакки, бугунги ёш авлоднинг маънавий эҳтиёжини, айтайлик, бундан 15-20 йил илгариги ёшлар билан солиштириб бўлмайди. Бугун компьютер техникаси, уяли алоқа воситалари, ахборот узатишнинг мураккаб ва қулай усул ва воситалари ижтимоий –маънавий турмушимизга жадал кириб келди. Бунинг оқибатида одамларнинг турмуш тарзидаги чуқур ижобий ўзгаришлар шунчалик шитоб билан содир бўлмоқдаки, бу эса ўз навбатида ёшларимизнинг маънавий эҳтиёжларини кундан-кунга оширмоқда. Ана шундай шароитда табиийки, анъанавий кўринишдаги кутубхоналар замонавий талаб ва эҳтиёжларни қондиришдан орқада қола бошлади. Шу маънода замонавий ахборот-ресурс марказларининг ташкил этилиши давр билан ҳамнафас ва қадамба-қадам қўйилган дадил одим дея баҳолаш ўринлидир. Эндиликда ахборот-ресурс марказлари, илгаридек оддий китоб оладиган ва мутолаа қиладиган маскан эмас, балки бу жой ёшларимиз учун интернет тармоғига уланган ҳолда жаҳон миқёсидаги янгилик ва маълумотлардан хабардор бўлиш, зарур маълумотлар узатиш, юбориш, кўпайтириш, нусхалаштириш каби муҳим маънавий эҳтиёжларини руёбга чиқариш учун кенг шароитлар муҳайё қилинган муборак жойдир. Шундай экан, ахборот–ресурс марказларида замонавий компьютер техникаси воситалари қўйилган электрон ўқув заллари бўлиши шарт. Компьютерлар интернет тармоғига уланган, барча зарур адабиётларнинг электрон вариантлари