Экология синбовиловых мух

Аннотация

Мақолада синбовил чивинлар экологияси ва уларнинг чорвачиликка етказадиган зарари ҳақида маълумотлар келтирилган. Чорвачилик хўжаликларида ва яйловларда учрайдиган синбовил чивинларнинг систематикаси ва мавсумий динамикаси ўрганилган. Бу зарарли чивинларга қарши “Альфа шакти” пиретроид препаратини чорвачилик хўжаликлари шароитида синаб кўрилган ва юқори инсектицид самара олинган. Аннотация: В статье приведены сведения об экологии синбовильных мухи и их причиняемый вред для скота. Изучена систематика и сезонная динамика синбовильных мух, встречающихся на животноводческих фермах и пастбищах. Препарат против этих мух – “Альфа-шакти” был протестирован в сельскохозяйственных условиях и показал высокую инсектицидную активность. Summary: The article provides information about the ecology of sinbovil flies and their harm to livestock. The systematics and seasonal dynamics of sinbovil flies found on livestock farms and pastures have been studied. The drug against these flies –“Аlpha-shakti” was tested in agricultural conditions and showed high insecticidal activity. Калит сўзлар: Синбовил, зоофил, дезинсекция, фауна, экология, мавсумий динамика, систематика, пиретроид, чивин, ҳашарот, паразит. Мавзунинг долзарблиги. Чорвачилик фермалари ва яйловларда зарарли ҳашаротлар, хусусан, синбовил чивинлар паразитлик қилиши оқибатида чорвачилик маҳсулотларининг салмоқли қисмига зарар етказмоқда. Жумладан, соғин сигирларнинг сут маҳсулдорлигининг камайиши, ёш ҳайвонларнинг вазнини пасайиши, шунингдек, касалликнинг манбалари юқумли ва паразитар касалликларининг патогенларини ташувчиси бўлиб кўплаб юқумли ва инвазион касалликларни тарқатади. Шу сабабли қорамолларни паразит ҳашаротлар таьсиридан, хусусан, синбовил чивинлардан ҳимоя қилиш долзарб муаммо ҳисобланади. Синбовил ва зоофил чивинларнинг суткалик ва мавсумий фаолияти, 408 “AGROSANOAT MAJMUINING DOLZARB MUAMMOLARINI HAL ETISHDA VETERINARIYA FANI VA BIOTEXNOLOGIYALARNING AHAMIYATI” Respublika ilmiy-amaliy konferensiya кўпайиш жойлари, турларнинг сони, уларнинг биологияси ва экологиясининг асосий омилларидан бўлиб, уларнинг эпизоотологик аҳамиятини белгилайди, бу омиллар уларга қарши комплекс курашни ташкил этишда эътиборга олиниши керак. Дунё миқёсида ҳозирги вақтда синбовил чивинларнинг инфекция ўчоқлари билан яқин алоқаси, яшаш жойларини тез-тез алмаштириш, узоқ масофаларга парвоз қилиш, юқумли касалликларни осон юқтириши, инфекция ва инвазияларнинг патогенларини узоқ вақт ушлаб туриш қобилияти – буларнинг барчаси кўплаб қўзғатувчиларнинг механик ўтказилишига ҳисса қўшиши жиддий муаммоларни келтириб чиқармоқда. Шу нуқтаи назардан, қон сўрувчи синбовил чивинларга қарши кураш чора-тадбирлари ва олдини олиш усулларини такомиллаштиришга йўналтирилган илмий тадқиқотлар муҳим аҳамият касб этади. Тадқиқот мақсади. Чорвачилик фермер хўжаликаларида ва яйловларда синбовил ҳашаротлар фаунасини, экологиясини ва унинг мавсумий динамикасини ўрганиш, уларга қарши Ҳиндистонда ишлаб чиқарилган “Алфа шакти” препаратининг паразитоцид фаоллигини аниқлаш мақсад қилиб олинди. Тадқиқот услуби. Хўжаликдан териб келинган синбовил ва зоофил ҳашаротлар турлари (систематикаси) арахноэнтомология ва акарология лабораториясида “Синантропные двукрылые фауны СССР”. Изд АН СССР. М. 1956, (А.А. Штакельберг), “Определитель членистоногих вредящих здоровъю человека” Медгиз Москва, 1958 (В.Н. Беклемишева), “Определитель насекомых европейской части СССР”, “Наука” первая часть, V том, Ленинград, 1969 (Г.Я. Бей-Биенко), “Определитель насекомых европейской части СССР”, “Наука” вторая часть, V том, Ленинград, 1970 (Г.Я. Бей-Биенко), “Flies and Disease”, Volume I., Princeton Univercity Press, Princeton, New Jersey, 1971 (By Bernard Greenberg) китоб ва қўлланмаларида келтирилган аниқлагичлардан фойдаланган ҳолда ҳамда микроскоп (МБС) ёрдамида (тип, синф, туркум, оила, авлод, тур) аниқланиб борилди. Тадқиқот натижалари. Тадқиқотларимиз Қашқадарё вилояти Китоб туманидаги “Навбаҳор Чарос боғи” чорвачилик фермер хўжаликларида ҳамда мазкур тумандаги яйлов ҳудудларида ўтказилди. Ушбу чорвачилик хўжалигида 45 бош қорамол бўлиб, асосан сутчиликка ихтисослаштирилган. Қорамолларни безовта қилиб, маҳсулдорлигини пасайтираётган синбовил ва зоофил ҳашаротларнинг экологияси, фенологияси ҳамда мавсумий динамикасини ўрганиш ишлари олиб борилди. Тадқиқотларимизда зообиоценозларда кўп учрайдиган ветеринария ва 409 “AGROSANOAT MAJMUINING DOLZARB MUAMMOLARINI HAL ETISHDA VETERINARIYA FANI VA BIOTEXNOLOGIYALARNING AHAMIYATI” Respublika ilmiy-amaliy konferensiya медицина аҳамиятига эга бўлган синбовил ва зоофил чивинлар вакиллари энтомологик тутқич (дока тутқич) ёрдамида қўплаб нусхаларда тутилиб, систематикаси лаборатория шароитида ўрганилди. Чорвачилик хўжаликларида ва яйловлар шароитида олиб борилган энтомологик текширувлар натижасига кўра синбовил ҳашаротлар март ойида ҳавонинг салқинлиги боис фаоллиги кам бўлди. Апрель ойидан бошлаб фаол уча бошлади. Май, июнь, июль, август, сентябрь ойларида қорамоллар танасида максимал даражада уч