УЗБЕКИСТАН – СТОЛИЦА ДРУЖБЫ

Аннотация

This article talks about unity among nations, diversity among religions, and unity in neighborhoods. Key words: neighborhood, nationalities, religions, law, constitution, homeland. УЗБЕКИСТАН – СТОЛИЦА ДРУЖБЫ Аннотация. В этой статье говорится о единстве наций, разнообразии религий и единстве соседей. Ключевые слова: соседство, национальности, религии, закон, конституция, родина. Bizge belgili dúnyada 200 ge shamalas mámleketlerde 2000 ǵa jaqın elatlar hám milletler wákili jasaydı. Biziń elimizde bolsa 130 ǵa shamalas millet wákilleri kóp jıllardan berli tatıw, bir shańaraq aǵzalarınday awızbirshilikli bolıp jasap kelmekte. Máselen biziń universitetimizde de bir qansha millet wákilleri talapshań jasları bilim almaqta.Olardıń ilim alıwı ushın keń hám teń imkaniyatlar jaratılǵan. Máhállemizde de qazaq, qırǵız, túrkmen, tatar shańaraqları bar. Olar júdá awızbirshilikli hám biziń xalqımız da aǵa-inilerdey qatnasıqta jasap kelmekte. Olardıń da erkinlikleri, bilim alıwı, kásip úyreniwine imkaniyatlar jaratılǵan. Olar usı jerde tuwıldı, usı jerde tálim tárbiya aldı, ana jerimizde shańaraqlı boldı, miynet etip abıray ataqqa erisip atır. Olardıń da úrp-ádet, mádeniyatın saqlaw hám rawajlandırıw ushın ana diyarımızda keń imkaniyatlar jaratılǵan. Olar ushın da Ózbekstan haqıyqıy Watan bolıp qaldı. “Ǵárezsizlik bayramı”, “Nawrız”, “Konstituciya” bayramlarındaǵı ilajlarda xalqımızdıń kóp millet wákilleri bar ekenligin, olardıń bayram tamashalarına belsene qatnasıp, óz mádeniyatın saxnalarda alıp shıqqanınan seziwge boladı. “Ózbekstan ulıwma úyimiz”, “Watan jalǵız-watan birew”, “Qúdiretimiz–birlik hám 60 awızbirshilikte” súreni astında ótkerilip atırǵan festivallar kóp milletli xalqımızdıń shın doslıq bayramına aylanadı. “2017-2021-jıllarda Ózbekstan Respublikasın rawajlandırıwdıń bes baslı baǵdarı boyınsha Háreketler strategiyası” nıń besinshi “Qáwipsizlik milletler aralıq tatıwlıq hám diniy keńpeyillikti támiynlew” salasında baslı baǵdarlar belgilengen. Bul maqsettiń ámirge engiziliwi mámlekettiń milletler aralıq tatıwlıq, tınıshlıq hám tatıwlıq hm turaqlılıqtı támiynlew boyınsha birden-bir sistemanı rawajlandırıw, milliy mádeniy oraylar ushın ele de qolay hám keń imkaniyatlar jaratıw, iskerlikti sapa jaǵınan arttırıw, olardıń jaratıwshı umtılıs hám baslamaların qollap-quwatlaw, sırt el mámleketleri menendoslıq hám mádeniy aǵartıwshılıq baylanısların ele de rawajlandırıw arqalı qatnasıqlardı keńeytiwden ibarat. Sonday-aq, bas Nızamımız Ózbekstan Respublikası Konstituciyasında elimizde jasawshı barlıq millet wákilleriniń Ózbekstan puqaralarınıń huqıq hám erkinlikleri tolıq kepillengen. Búgingi kúni biziń oqıw ornımızda jaslardı milletler aralıq tatıwlıq hám bawırıkeńlikti támiynlew, doslıq qatnasıqlardı bekkemlew, milliy hám ulıwma insanıylıq pazıyletlerge húrmet ruwxında tárbiyalawǵa ayrıqsha itibar qaratılmaqta. Kóp milletlilik hám kóp mádeniyatlılıq bul bizlerdiń baylıǵımız.