ЗНАЧЕНИЕ ВОСПИТАНИЯ МОЛОДЕЖИ НА ОСНОВЕ НАРОДНОГО МУЗЫКАЛЬНОГО ТВОРЧЕСТВА

Аннотация

This article talks about the importance of educating young people on the basis of folk music. Key word: folklore, children, the word áspab, music, education, upbringing, artwork. ЗНАЧЕНИЕ ВОСПИТАНИЯ МОЛОДЕЖИ НА ОСНОВЕ НАРОДНОГО МУЗЫКАЛЬНОГО ТВОРЧЕСТВА Аннотация. В этой статье говорится о важности воспитания молодежи на основе народного музыкального творчества. Ключевое слово: фольклор, дети, слово áspab, музыка, образование, воспитание, художественное произведение. Ózbekstan óz ǵárezsizligine eriskennen keyingi dáwirde siyasıy hám mádeniy tarawlarda úlken ózgerisler bolmaqta. Ózligimizdi ańlawǵa, áyyemgi tariyxımızdı úyreniwge, ata - babalarımız qaldırǵan mádeniy miyrastı asırap - abaylap keleshek áwladlarǵa jetkerip beriwge úlken itibar qaratılmaqta. Xalqımız ázelden mádeniyatı, ádebiyatı hám tákirarlanbas kórkem óneri menen belgili bolıp kelgen. Házirgi dáwir ata – babalarımız jaratqan ruwxıy durdanalarınan xalqımızdı hár qashanǵıdan da kóbirek xabardar etiwge imkaniyatlar ashıp bergen dáwir bolıp esaplanadı. Ózbekstan Respublikasınıń Birinshi Prezidenti I.A.Karimov aytqanınday: “Tariyxqa múraját eter ekenbiz bul álbette xalq ótmishi ekenligin názerde tutıwımız kerek boladı. Ótmishsiz har qanday salamat adam bolmaǵanınday, óz tariyxın 60 bilmegen xalqtıńda keleshegi bolmaydı.” Xalqımızdıń muzıka baylıqları júdá kóp qırralı, rań báreń tereń oǵada bay mazmunǵa iye. Sonıń ushında ájayıp namalarımız hám folklor úlgileri adamǵa quwanısh, jaqsı keypiyat baǵıshlaydı, awır kúnlerdi jeńilletedi. Sebebi ol insannıń ájayıp pazıyletleri, seziw hám ishki tuyǵıların súwretlep beriwshi kúshke iye boladı. Xalıq muzıka dóretpeleri hár bir xalıqtıń úlken ruwxıy baylıǵı esaplanadı. Onıń quramındaǵı eń xalıqshıl, tárbiyalıq - tásirli folklorlıq shıǵarmalardıń óziniń kórkem - ádebiy mazmunı, xalıq turmısınıń barlıq úlgilerin sáwlelendiriwi sıyaqlı ózgeshelikleri menen jas áwladdı ruwxıy – aqılıy, aǵartıwshılıq hám estetikalıq kóz qarastı qáliplestiriwde áhmiyetli qural bolıp esaplanadı. Birinshi Prezidentimiz I.A.Karimov haqıyqatında da aytıp ótkenindey “Har qanday xalıq yamasa millettiń ruwxıylıǵın onıń tariyxı, ózine tán úrp – ádetleri, dástúrleri, turmıs qádiriyatlarınan ayırǵan túrde kóz aldımızǵa keltirip bolmaydı. Bul barısında tábiyiy túrde ruwxıy miyras, mádeniy baylıqlar, qádimgi tariyxıy estelikler eń áhmiyetli negizlerden bolıp xızmet etedi”. Aytılıp ótilgen ruwxıy miyras, mádeniy baylıqlar, milliy qáditiyatlar diziminde folklorlıq shıǵarmalar dóretiwshiligi óz aldına oǵada áhmiyetke iye bolıp, olar xalqımızdıń milliy úrp – ádetleri, dástúrleri, bayram máresimleri, tariyxıy, diniy, filosofiyalıq kóz qarasları menen tıǵız baylanıslı halda ózinde ruwxıy – aǵartıwshılıq pikirlerdi toplaydı. Ilim úyreniw, insanlıq pazıyletler – ádep, aqılıy, tuwrılıq, haqıyqatgóylik, hadallıq, iyman - insaplılıq, watandı súyiw, onı qádirlew, ata – ananı húrmet etiw, ana tábiyattı qádirlew sıyaqlı ulıwma insanıylıq pazıyletlerdi ilgeri súriwshi folklorlıq shıǵarmalardı úyreniw hám atqarıw óz – ózinen jaslar qálbinde jaqsı sezimlerdi oyatıw, olardı insanıylıq pazıyletlerdi qáliplestiriwge kórkem – emotsionallıq tásir etiwi sózsiz. Sebebi, kórkem jetiskenlik, áwladdan – áwladqa ótip kiyatırǵan júdá kóplegen xalıq dóretiwshiligine arnalǵan muzıka qosıqlar, klassikalıq hám xalıq qosıqları tikkeley xalıqtıń jaratıwshılıq qúdiretiniń miywesi bolıp, olardıń tárbiyalıq tásir etiw kúshi eń dáslep olar mazmunındaǵı gózzallıq, ullılıq, ǵayratlılıq, túskinlik, ǵamlılıq, kúle shıraylılıq sezimlerin oyatıwshı ózgesheliklerge iye ekenligi esaplanadı. Bunday shıǵarmalardı tıńlaw, talqılaw, jaratılıw tariyxı, sheber atqarıwshılar, kórkem – ádebiy mazmunı haqqındaǵı sáwbetler oqıwshı – jaslar qálbinde jaqsılıq sezimleri oyatadı, ideyal obrazlar tımsalında joqarı kóterińkilik pazıyletlerdi iyelewge ilhamlandıradı. 61