ЗНАЧЕНИЕ ИСПОЛЬЗОВАНИЯ ФОЛЬКЛОРНЫХ ХУДОЖЕСТВЕННЫХ ПРОИЗВЕДЕНИЙ В ВОСПИТАТЕЛЬНЫХ ЦЕЛЯХ

Аннотация

This article talks about the importance of using folklore works of art for educational purposes. Keyword: folklore, children, the word áspab, music, education, upbringing, artwork. ЗНАЧЕНИЕ ИСПОЛЬЗОВАНИЯ ФОЛЬКЛОРНЫХ ХУДОЖЕСТВЕННЫХ ПРОИЗВЕДЕНИЙ В ВОСПИТАТЕЛЬНЫХ ЦЕЛЯХ Аннотация. В этой статье говорится о важности использования фольклорных произведений искусства в образовательных целях. Ключевое слово: фольклор, дети, слово áspab, музыка, образование, воспитание, художественное произведение. Folklorlıq shıǵarmalardan tárbiyalıq maqsetinde paydalanıwda olardıń kórkem ádebiyliginiń jetiliwi, tereń pikirlewine mazmunına góre tárbiyalıq - tásirsheńlikke iye úlgilerine itibar beriwi kerek, oqıwshı - jaslardı hár túrli jastaǵı dáwirlerinde, dawıs diapazonı, atqarıw imkaniyatlarına sáykes keliwine góre tańlaw eń áhmiyetli pedagogikalıq talaplardan biri bolıp esaplanadı. Kerisinshe, jeńil – jelpi, kórkemlik jaqtan sayız qosıqlar bolsa balanıń qálibin seziw tuyǵusın , estetikalıq sezimin tómen etip qoyıwı múmkin. Sonıń ushın áyyemgi mektep jasında aq haqıyqıy kórkem óner tiykarı bolǵan xalıq dóretiwshiligine tán bolǵan folklorlıq qosıqlar menen jeńil – jelpi, “tek bir esitiwge bolatuǵın” qosıqlardı paqıqlaw, oǵan qaraǵanda óziniń múnásebetlerin bildire alatuǵın kónlikpe hám sheberliklerin jetilistirip barıw 41 muzıkalı - estetikalıq tárbiyanıń aktual wazıypalarınan biri bolıp esaplanadı. Búgingi kúnde pán - texnikanıń hesh bir kórilmegen dárejede rawajlanıwı tásirinde kórkem óner áleminde hám muzıkalı klipler, ózine tán bolǵan, bazı bir jaǵdaylarda onsha – bunsha adamdı túsiniwi qıyın bolǵan jónelis hám kórinislerin júzege keliwi hám “moda” ǵa aylanıwı háwij alıp barmaqta. Kóplegen jaslar ózleri sezbegen halda bunday jeńil – jelpi, hesh qanday ádebiy kórkem sıpat, forma hám mazmunǵa iye bolmaǵan, aynıqsa, biziń xalqımız ruwxiyatına sáykes bolmaǵan, biymáni súwretleniwler menen bezetilgen ırǵaqlar tásirine túsip qalıp atırǵanlıǵı táshwishli jaǵday bolıp esaplanadı. Bul haqqında radio, televidenie, ǵalabaxalıqlıq xabarlarda kóp tarqalsada ámeliy jumıslar kewildegidey emes. Muzıkanıń turmıslıq baylıǵı, qudúdiretli tásir etiw kúshi, aynıqsa bárkamal áwladdı tárbiyalawdaǵı qurıwshıları kúshi haqqındaǵı pikirlerimizdi Birinshi Prezidentimiz I.A. Karimovtıń tómendegi sózleri de bunı tastıyıqlaydı: “... eger insannıń qulaǵı jeńil – jelpi, shawqımlı seslerge úyrenip qalsa, bara – bara onıń kórkem ádebiy sezimi, muzıka mádeniyatı tómenlep ketiwi, onıń ruwxıy álemin jalǵan túsinikler iyelep alıwı hám hesh gáp emes. Aqıbetinde bunday adam “Xalıq qosıqları” sıyaqlı milliy miyrasımızdıń tabılmaytuǵın dúrdanaları da Motsart, Betxoven, Bax hám Chaykovckiy sıyaqlı dúnya tán alǵan ullı kompozitorlardıń shıǵarmalarında qabıl etiwi qıyın boladı”. Milliy - úrp ádetler, milliy pikirlewleri, milliy dúnyaǵa kóz qaraslar , milliy meresimler hár bir millette bolǵanı sıyaqlı xalqımızda da óziniń baǵdarı bar bolǵan. Bunda biz álbette Ózbekstan Mámleketimiz ǵárezsizligimizdi qolǵa kirgizgennen keyingi 20 jıl ishinde ámelge asırılǵan hár bir tarawdaǵı ózgeriwlerdi ayırıqsha maqtanısh penen atap ótiwimizge boladı. Ózbekstan Respublikası Birinshi Prezidenti I.A.Karimov ruwxıylıq áwelembar insannıń ruwxıy jaqtan pákleniwine, qálbiniń ulgayıwına, insannıń ishki dúnyasın, erkin kúshli bekkem, iyman - isenimin pútin etetuǵın, hújdanın oyatatuǵın kúshke megzetedi. Haqıyqatında da usınday eken jaslarımız sanasında bilimlendiriw baǵdarınıń baslawısh dizimi esaplanǵan balalar baǵshalarınan baslap folklorlıq shıǵarmalardı atqarıwǵa, qosıq kórkem ónerine, saz ásbaplarımızǵa, mexir - muhabbat oyata alıwımız zárúr. Bunda biz zaman menen birge teńdey dóretiwshilik etetuǵın hám usı tarawda ózleriniń biyminnet miynetlerin ayamastan kiyatırǵan ustazlardıń bilim hám tájiriybelerine súyengen halda jumıs alıp barıwımız kerek boladı.