Юқори сейсмик туманларда грунтли тўғонларнинг ядросини лёссимон грунтлардан барпо этиш амалиёти

Аннотация

Маъқолада юқори сейсмик туманларда грунтли гидротехника тўғонларини ядроларини лёссимон грунтлардан зичлаб кўтариш масалалари кўрилган. Грунтли гидротехника тўғонларининг ядросида бунёд этиладиган сув ўтказмайдиган экран-деворларини лёссимон грунтдан зичлаб кўтариш бўйича дала ва лаборатория шароитида ўтказилган тажриба натижалари келтирилган. Юқори сейсмик туманларда грунтли гидротехника тўғонларининг ядроларини лёссимон грунтларнинг энг қулай намлигида виброкатоклар билан зичлаб кўтариш бўйича тавсиялар берилган. 115 Калит сўзлар: лёссимон грунт; суглинок; супесь; зилзилавий ҳудуд; намлик;оптимал намлик; вибрация; виброкаток; грунтнинг пластиклик сони; зичлик; динамик куч. Аннотация. В статье рассмотрены вопросы возведение ядро грунтовых гидротехнических плотин из уплотнённых лёссовых грунтов. Приведены результаты проведённых лабораторных и полевых опытов по возведение в ядро грунтовых плотин водонепроницаемых экран-стены из уплотнённых лёссовых грунтов. Дана рекомендация по уплотнению лёссовых грунтов с оптимальной влажности в ядро плотины с виброкатками в высокосейсмических районах. Ключевые слова: лёссовый грунт; суглинок; супесь; сейсмическая зона; влажность; вибрация; виброкаток; число пластичности грунта; плотность; динамическая сила. Annotation. The article deals with the issues of the construction of the core of underground hydraulic dams from compacted loess soils. The results of laboratory and field experiments on the construction of waterproof screen-walls of compacted loess soils into the core of soil dams are presented. A recommendation is given for compacting loess soils with optimal humidity into the core of a dam with vibratory rollers in highly seismic areas. Keywords: loess soil; loam; sandy loam; seismic zone; humidity; optimal humidity; vibration; number of soil plasticity; density; dynamic force. Кириш. Лойли (боғловчили,ёпишқоқли) грунтлар таркибига мансуб лёссимон грунтлар планетамизнинг барча ерларида кенг тарқалган бўлиб, бунёд этилаётган йирик ер ости ва ер усти иншоотлари, гидротехника тўғонлари, макро ва микро ГЭСлар, ТЭСлар,ўта мураккаб нефт ва газ иншоотлари, нефт узатиш ер ости иншоотлари, йирик кимёсаноат иншоотлари метроларнинг ер ости ва ер усти станциялари ҳамда темир йўл линиялари, темир йўл тармоғи комплекслари, айрокосмик мажмуалар жойлашадиган ер ости ва ер усти иншоотлари айнан лёссимон грунтлар зиммасига тўғри келади. Бундан ташқари барпо этилган грунтли тўғонларнинг марказида қурилган сув ўтказмайдиган экран–девор(ядро)қисми ҳам айнан лёссимон гурунтлардан қатма–қат шиббаланиб кўтарилади. Грунтли тўғонлар учун экран–деворларнинг аҳамияти беқиёсдир.Чунки у тўғонда тўпланган сувни сизиб пастга ўтишига тўсқинлик қилади. Зичланган лёссимон грунтлар сувни ёмон ўтказади. Юқорида келтирилган маълумотлардан кўриниб турибдики, лёссимон грунтларни физик-механик характертикаларини, қурилиш хоссаларини ўрганиш уларда бунёд этилган иншоотларни мустаҳкамлигини, устуворлигини, умрбоқийлигини, ишончли хизмат қилишини таъминлашда муҳим аҳамиятга эга. Таниқли америкалик геолог олим К.Кейгльгакнинг маълумотига кўра, Евросиё ва Америкада лёссимон жинслар 13 млн.км2 майдонни эгаллайди, унинг ўртача қалинлиги 10 м, ҳажми 130 минг км3. Ер шаридаги лёссимон грунтлардан узунлиги 1300 км, кенглиги 100 км ва баландлиги 1000 м бўлган тоғ ҳосил қилиш мумкин. Лёссимон тоғ жинслари тўртламчи даврда ер юзасида энг кўп тарқалган қатламлардан бири ҳисобланиб, у ҳамма қитъаларда учрайди, лекин Европа, Осиё, Шимолий ва Жанубий Америка қитъаларида кенгроқ тарқалган. Бу тоғ жинслари асосан Сибирда,Мўғилистонда, Хитойда ва Марказий Осиёнинг айрим ерларида кенг тарқалган. Марказий Осиёда лёссимон тоғ жинслари Каржантов, Чотқол, Қурама, Туркистон, Зарафшон тоғларининг ён бағирларида, Балиқтов, Оқтов тоғи ён бағирларида, Мирзачўлда, Тошкент олди туманларида, Зарафшон, Чирчиқ, Қашқадарё, Сурхондарё, Кофирниҳон, Вахш, Панж дарёлари водийсида жуда кенг тарқалган. Ўзбекистонда қурилаётган бино ва иншоотларнинг аксарият қисми шу тоғ жинслари зиммасига тўғри келади. Бундан ташқари республикамизда барпо этилаётган грунтли тўғонларнинг ҳам асосий қисмини, айниқса тоғли ҳудудларда қурилаётган грунтли тўғонларнинг марказида жойлашган сув ўтказмайдиган экран-деворларини(ядросини) маҳаллий хом- 116 ашё бўлган лёссимон грунтлардан қилинишини ҳисобга олсак, бу тоғ жинсларини қурилиш хоссаларини, физик-механик характеристикаларини ўрганиш халқ хўжалиги учун ўта муҳим аҳамиятга эга эканлигини кўрамиз. Грунтли тўғонларнинг марказий қисмида жойлашган(ядрода)экран-деворлар сувни сизиб ўтишини камайтириш учун хизмат қилиб, сувни ёмон ўтказадиган (фильтрацияси жуда кам бўлган) маҳаллий қурилиш материалларидан, жумладан лёссимон грунтлардан талаб даражасида зичланиб бунёд этилади [1-6]. Адабиётлар таҳлили. Марказий Осиё давлатларида, жумладан Ўзбекистонда аксарият объектлар, саноат ва фуқаро бино ҳамда иншоотлари, автомобил ва темир йўллар, кичик ва йирик тўғонлар лёссимон грунтларнинг устида барпо этилади. Шунинг учун ҳам бу