Результаты хирургического лечения гнойных язв роговицы методом пластики аутоконъюнктивы в комбинации с тарзорафией

Аннотация

This article presents the results of surgical treatment of purulent corneal ulcers in 17 patients by the method of autoconjunctival plasty in combination with tarsorraphy. The article describes in detail the technique of the operation and its main advantages. The authors have shown the effectiveness of the proposed method, which is expressed in the fact that in case of purulent corneal ulcers, the proposed method allows you to preserve the anatomical integrity of the eyeball and improve the patient's rehabilitation process after surgery. Key words: purulent corneal ulcer; surgery; autoconjunctival plastics; tarsorraphy. Кўз яллиғланиш касалликлари орасида энг катта қийинчиликлар кератит ва шох парда ярасини даволаш ҳисобланади. Шох парда йирингли яраси кўпинча эндофтальмитнинг ривожланиши туфайли кўзнинг ўлимига олиб келади [1, 4, 5]. Гельмгольц номли Москва илмий - текшириш институти юқумли ва аллергик кўз касалликлари бўлимининг маълумотларига кўра шох парда яраси 23% ҳолларда мураккаб кечиб, 17%-21% гача энуклеация билан тугайди ва кўзнинг анатомик ўлими – 8% ни ташкил этади. Касалликнинг давомийлиги 25,2% ҳолатда 2-14 кунни, 21,5% - 15 кундан 30 кунгача, 18,6% - 31 кундан 60 кунгача ва 34,7% ҳолатларда 60 кундан ортиқ бўлган [2, 3]. Шох парда ярасини даволаш услубини танлаш жуда қийин муаммо бўлиб қолмоқда. Яра шох пардани ҳар қандай қисмини эгаллаши мумкин, аммо марказий соҳадаги шикастланиш оғирроқ кечиб, даволаш қийинроқ ва кўриш ўткирлигини турғун пасайишига олиб келади. Ярани узоқ давом этиши ва консерватив давонинг самара бермаслиги хирургик даволаш зарурлигини асослайди. Шох парда ярасини даволашда орган сақловчи, мелиоратив, реконструктив, тектоник, профилактик ва терапевтик мақсадларда қуйидаги хирургик амалиётлар қўлланилади: шох пардани аутоконъюнктива билан пластикаси, янги ёки консервацияланган донор материалларидан фойдаланилган ҳолда кератопластиканинг турли хилдаги (қатламли, чуқур, қатламли-чуқур, қатламлараро, инвертли, эписклератопластика, аутокорнеопластика в.б.) усуллар оқали, ҳамда амниотик мембрананинг кўчириб ўтказилиши билан жарроҳлик амалиётилари бажарилади. Кератопластикага мутлақ кўрсатма бўлиб, шох 221 БИОМЕДИЦИНА ВА АМАЛИЁТ ЖУРНАЛИ | ЖУРНАЛ БИОМЕДИЦИНЫ И ПРАКТИКИ | JOURNAL OF BIOMEDICINE AND PRACTICE №4 | 2021 парда перфорацияси ёки тешилиш хавфи ҳисобланиб, қолган барча ҳолатларда кўрсатмалар нисбий саналади [7, 8]. Шох парда регенерацияси ва бутунлигини таъминлаш мақсадида тарзорафия (қовоқларни вақтинчалик тикиб қўйиш) билан комбинациялашган аутоконъюнктивопластиканинг ўтказилиши, шох парда стромасининг тезда эпителизациясини таъминлаб беради, аммо бу ҳолатларда лахтак нуқсонлари, эрозиялари ва унинг остидаги шох парданинг хиралашиши кузатилиши мумкин. Тадқиқот мақсади: тарзорафия билан комбинациялашган аутоконъюнктивопластика усулида шох парда яраларини хирургик даволаш самарадорлигини баҳолаш. Тадқиқот материал ва усуллари. Тошкент шахар тез тиббий ёрдам клиник шифохонасининг кўз касалликлари бўлимига 2019 – 2020 йилларда шох парда яраси ташхиси билан госпитализация қилиниб даволанган 17 нафар (17 та кўз) бемор бизнинг кузатувимизда бўлган. Улардан 7 нафари аёллар, 10 нафари эркаклар бўлиб, уларнинг ўртача ёши 50,4±7,1 ташкил қилди. 5 та кўзда (29,4%) шох парда бактериал, 2 тасида (11,8%) вирус, 4 тасида (23,5%) нейротрофик ва 6 тасида (35,3%) посттравматик этиологияли бўлган. 64,7% (11 та кўзда) ҳолатда яра шох парданинг марказида жойлашган ёки бутун юзасини эгаллаганлиги кузатилди. Яра юзага келтирган нуқсон четлари инфильтрацияланган ва шишган бўлиб, инфильтрация ўлчамлари 1,5 дан 4,0 мм гача вариацияланган. Яра юзага келтирган нуқсоннинг ўртача ўлчамлари 4,2 ± 1,5 мм. ни ташкил этди. 64,2 % ҳолатларда шох парда қалинлигининг 1/2 қисмини ташкил қилувчи шох парда стромасининг деструкцияси кузатилди. Тадқиқот усулларида стандарт офтальмологик текширувлар (визометрия, тонометрия, биомикроскопия, офтальмоскопия, флюоресцеинли синама, динамикада фоторегистрация) билан бир қаторда махсус усуллардан кўз олдинги кесимининг оптик когерент томографияси (ОКТ) ўтказилди. ОКТ орқали ўтказилган диагностик тадбир давомида кўз олдинги кесими тузилмаларининг биометрик кўрсаткичлари ва анатомо-топографик алоқадорлиги баҳоланди. Натижада асосий эътибор шох пардадаги нуқсон майдони, яранинг чуқурлиги, шох парда стромасидаги мавжуд патологик жараёнларни ўтказилаётган даволаш самарадорлигининг мониторингини ўрганишга қаратилди. Барча беморларнинг шох пардасидан суртмалар олиниб, бактериологик текширилди. Барча беморларга тарзорафия билан комбинациялашган аутоконъюнктивопластика усулида жаррохлик амалиёти ўтказилди. Ўтказилган даволашнинг самарадорлиги эпителизация тугалланишининг муддатига, йирингли ажралманинг йўқлигига, яллиғланиш жараёнининг пасайиши вақтига, панофталмит, шох парда перфорацияси каби асоратларнинг ривожланишига қараб баҳоланди. Кузатув муддати 6 ойни ташкил қилди. Натижалар ва муҳокама. Шох парда зарарланишининг оғирлик даражасини баҳолаш, яллиғланишли – деструктив ўчо