Взаимное сотрудничество Узбекистана с Турцией в области здравоохранения

Аннотация

The article provides information on the reforms carried out in healthcare sector of Uzbekistan within the framework of mutual cooperation with the state of Turkey. In particular, the decrees and decisions adopted in order to further develop this area were analyzed. Key words: reforming the healthcare sector, human factor, cooperation with foreign countries, Uzbek-Turkish forum. “Ҳар кимнинг ўз эли-ўзига ширин” Туркий халқлар мақоли 237 «Актуальные проблемы обучения социально- гуманитарных наук в медицинском образовании» Международная научно-практическая онлайн конференция КИРИШ Эртанги кунимизни фароғатли бўлиши, шубҳасиз бугунги кунимизга боғлиқ. Мамалакатимизда олиб борилаётган туб янгиланишларни аввало ижтимоий соҳанинг энг муҳим йўналишларига кирган тинчлик ва осойишталикни сақлаш ҳамда аҳолимизнинг соғлиғини муҳофаза қилиш масалаларига қаратилганлиги бежиз эмас. Зеро, Президентимиз Ш.М. Мирзиёевнинг “Ўз аҳолисининг соғлиғини муҳофаза қилиш- ҳар қайси давлат ва жамият учун ҳал қилувчи аҳамиятга эга долзарб масала саналади” деб билдирган фикрлари юқоридагиларни таъкидламоқда. ИШНИНГ МАҚСАДИ Манба ва маълумотларни изчил ўрганиш ва чуқур таҳлил қилиш орқали Ўзбекистоннинг соғлиқни сақлаш соҳасида Туркия давлати билан ўзаро ҳамкорлик доирасида амалга оширилаётган ислоҳотлар ҳақидаги маълумотларни ёритиб бериш. УСУЛЛАР Адабиётлар билан ишлаш ва назарий таҳлил. ОЛИНГАН НАТИЖАЛАР МУҲОКАМАСИ Тинчлик ва соғлик тушунчалари ўзаро боғлиқ бўлиб, улар ҳар бир инсон учун керак бўлган энг олий неъмат ҳисобланади. Чунки фақат соғлом инсонгина ва соғлом халқ буюк ишларни амалга оширишга қодир бўла олади. Бу борада соғлиқни сақлаш соҳасини янада такомиллаштириш мақсадида юртимизда қатор ислоҳотлар амалга оширилиб келинмоқда. Ўтган даврда ушбу соҳада эришилган ижобий натижалар билан бир қаторда, ечимини кутаётган камчилик ва муаммолар ҳам бор. Шунинг учун охирги беш йил давомида фуқароларимизнинг мурожааатлари ва фикрлари ўрганилиб, тиббиёт соҳасини ислоҳ қилиш бўйича 200 дан ортиқ ҳуқуқий ҳужжатлар қабул қилинди. Хусусан, “Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисидаги” фармон асосида 2019-2025 йилларда Соғлиқни сақлаш тизимини ривожлантириш концепцияси ҳамда тегишли дастур қабул қилинди. Бу каби дастур ва концепциялар бирламчи тиббий санитария, шошилинч ва тез ёрдам бўғинидан то юқори тузилмаларигача иш фаолиятини ташкил этишда асосий эътибор инсон омилига қаратилиб, тиббий хизмат кўрсатиш турларини кенгайтириш ва юқори сифатли тиббий хизмат кўрсатиш борасида янги имкониятларни яратиб бермоқда. Масалан, қисқа вақт ичида АҚШ, Россия, Хитой, Германия, Ҳиндистон, Туркия, Жанубий Корея, Исроил каби хорижий давлатлар билан ҳамкорлик натижасида 150 дан ортиқ замонавий хусусий клиникалар иш бошлади. Тошкентда 2019 йилда Ўзбекистон ҳамда Туркия Республикалари соғлиқни сақлаш, тиббий таълим ва илм соҳасидаги ҳамкорликни ривожлантиришга бағишланган ўзбек-турк бизнес форуми бўлиб ўтгани 238 «Актуальные проблемы обучения социально- гуманитарных наук в медицинском образовании» Международная научно-практическая онлайн конференция фикримизни яққол тасдиғидир. Мазкур тадбирда Туркиянинг соғлиқни сақлаш соҳаси вакилларидан иборат делегация иштирок этди. Тадбирда Ўзбекистон ва Туркия ўртасидаги тиббий таълим ва илм соҳасидаги ҳамкорликни ривожлантиришга қўшган ҳиссаси учун Туркия соғлиқни сақлаш вазири Фахреттин Коджа Тошкент тиббиёт академиясининг фахрий профессор унвонига сазовор бўлди. Мазкур соҳани янада ислоҳ қилиш мақсадида, 2021 йил 27 сентябрда “Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш тўғрисида” Ўзбекистон Республикаси Президентининг Қарори қабул қилинди. Унга кўра, 2021 йил 1 октябрдан бошлаб мазкур қарорга 1-иловада келтирилган давлат тиббиёт муассасаларида давлат бюджети маблағлари ҳисобидан имтиёзли тоифага кирувчи шахсларга квота асосида ордер бериш тартиби бекор қилиниб, молиялаштиришнинг янги механизми асосида уларни ҳисобга олиш ва навбат асосида даволанишга йўллашнинг электрон ахборот тизими жорий этилди. Имтиёзли тоифага кирувчи шахсларни ихтисослаштирилган муассасаларга даволанишга йўллашда, касалликнинг оғирлик даражасидан келиб чиқиб ахборот тизими орқали навбатда туришнинг шаффоф механизмлари татбиқ этилиб, кам таъминланган оилаларга мансуб шахслар тоифасига кирувчи фуқаролар “Ижтимоий ҳимоя ягона реестри” ахборот тизимига мувофиқ равишда аниқланадиган бўлди. Булардан ташқари, беморларга, уларнинг касаллигига мувофиқ ихтисослаштирилган муассасаларда даволанишларини таъминлайдиган, тиббий хизматнинг қиймати кўрсатилган штрих кодга эга бўлган йўлланма берилиб, бемор даволанганидан сўнг давлат тиббий суғуртаси жамғармаси даволаган муассасага базавий нархлар доирасида беморга кўрсатилган тиббий хизматларни асословчи ҳужжатларга кўра сарфланган маблағни давлат бюджети томонидан ўтказиб берилиши йўлга қўйилди. Шунингдек, 2022 йил 28 июлда Ўзбекистон Республикаси Президентининг 2003 йил 26 февралдаги