Сурункали одонтоген синусит билан оғриган беморларда даволаш натижалари

Аннотация

Сурункали одонтоген синусит - одонтоген инфекциядан келиб чиққан юқори жағ бўшлиғи шиллиқ қаватининг сурункали яллиғланиш касаллигидир. Замонавий стоматология ва оториноларингологияда юқори жағ бўшлиғи яллиғланиш касалликларини (сурункали одонтоген синусит) ташхислаш ва даволаш масалалари долзарб бўлиб қолмоқда. Ахолига оториноларингологик ва стоматологик ёрдамни ривожлантиришда сезиларли ютуқларга қарамай, касаллик даражаси ўсишда давом этмоқда. Одонтоген этиологияли синуситлар барча синуситларнинг 26-40%ини ташкил қилади (Тимофеев А.А., Весова Э.П., Ушко Н.А., Гивалекс, Современная стоматология 2014). Адабиётлар маълумотлари шуни кўрсатадики, одонтоген синусит билан оғриган беморлар сони тобора ўсиб бормоқда ва юз -жағ сохаси яллиғланиш касалликларининг 4- 7%ини ташкил қилади (Попова М.Е., Киков Р.Н., Шалаев О.Ю., Вестник новых медицинских технологий. 2013). Сўнгги 10 йил ичида касалланиш 3 бараварга ошди, бу гайморит билан оғриган барча беморларнинг 2 дан 50%гачасини ташкил қилади (К. Нестерова. Российская оториноларингология. 2014. № 6). Умуман олганда, одонтоген синусит билан меҳнатга лаёқатли одамлар (30-50 ёшдаги беморларнинг 72%и) касалланишади.