ИГРОВАЯ ДЕЯТЕЛЬНОСТЬ ЮНОШЕСКОЙ СБОРНОЙ УЗБЕКИСТАНА НА ЧЕМПИОНАТЕ АЗИИ

Аннотация

This article talks about the game activities of the youth national team of Uzbekistan in the Asian Championship. Reasonable opinions and comments are given throughout the article. Key words: sports result, game intensity, young players, game situation. ИГРОВАЯ ДЕЯТЕЛЬНОСТЬ ЮНОШЕСКОЙ СБОРНОЙ УЗБЕКИСТАНА НА ЧЕМПИОНАТЕ АЗИИ Аннотация. Данная статья посвящена игровой деятельности молодежной сборной Узбекистана на чемпионате Азии. Обоснованные мнения и комментарии даны на протяжении всей статьи. Ключевые слова: спортивный результат, интенсивность игры, юные игроки, игровая ситуация. Мусобақаларда спортчи томонидан қайд этиладигин спорт натижаси ёки техник- тактик фаоллик шу спортчининг кўп қиррали тайёргарлик даражасини ифодаловчи ягона ва интеграл кўрсатгич сифатида хизмат қилади. Замонавий футбол футболчиларнинг техник - тактик ҳаракатлари мукаммалашганини ва ўйин шидати ўта жадаллашгани билан фарқланади. Бу эса футбол мураббийларидан ва мутахассис-олимлардан жиддий изланишларни талаб этмоқда. Бугунги футболда юксак натижага эришиш, ҳар бир ўйин вазиятида ўта қулай ва фойдали имконият яратувчи техник-тактик ҳаракатлардан самарали фойдаланиш маҳорати билан боғлиқдир. Ишнинг мақсади. Мазкур тадқиқотнинг мақсади ЖЧ– 2017 йўлланма берувчи саралаш мусобақаларида ёшлар терма жамоаси футболчиларининг ўйин фаоллигини қиёсий таҳлил қилишга бағишланган. Ишнинг олиб борилиши. Тадқиқот давомида осиё чемпионатининг 10 дан оритқ ўйинлари кузатилди ва видео-тасмаларга ёзиб олиниб, махсус бланкага қуйдаги техник- тактик ҳаракатлар қайд қилинди: тўпни узатишлар; тўпни олиб қўйиш; рақибни “алдаб” ўтиш; тўпга ҳавода эгалик қилиш; тўпга эга чиқиш (перехват); дарвозага зарба бериш. Барча ҳаракатларнинг ўртача кўрсаткичи, самарадорлиги фоизларда ишлаб чиқилди. 3 89 International scientific journal ISSN: 2181-3906 «MODERN SCIENCE АND RESEARCH» 2023 VOLUME 2 / ISSUE 4 / UIF:8.2 / MODERNSCIENCE.UZ Ишда ўрганилган натижалар. Натижалар шуни кўсатадики, Ўзбекистон олимпия терма жамоаси футболчилари техник-тактик ҳаракатларни бажариш сони бўйича Осиёнинг Япония, Ж. Корея, Ироқ каби олимпия жамоалари билан бир хил кўрсаткичга эга. Лекин техник-тактик ҳаракатларнинг самарали бажарилишда анча фарқланиш кузатилди. Ўзбек футболчилари тўпни бир-бирига узатишда яхши кўрсаткичга эришганлар. Бунда улар тўп узатиш техникасини 18 – 20 % нуқсон билан бажаришган. Фақатгина “узун” тўп узатиш ва харакатланаётган ўйинчига тўп узатишда футболчиларимиз кўп хатоликларга йўл қўйишган. Тўпни рақибдан олиб қўйиш ҳаракатларида футболчиларимиз яхши натижалар кўрсатиша олмаган. Жумладан, олимпия жамоамиз 57 % гача нуқсонларга эга. Айниқса, бизнинг жамоаларимиз рақиб майдонида тўп суришганда, ўйиннинг сўнги дақиқаларида тўпни олиб қўйиш ҳаракатларидаги нуқсонлар фоизи анча ошган. Футболчиларимизнинг тўпни олиб қўйишда саёз ўйин кўрсатишларига асосий сабаб жисмоний тайёргарликнинг заифлиги ва майдонда позицияларни нотўғри эгаллашларидандир. Рақибни алдаб ўтиш техник-тактик харакатлари бўйича олимпия жамоамиз ҳам 55-60 % гача самарага эришганлар ва Олимпия жамоамиз деярли барча учрашувларда рақибни алдаб ўтишда рақиб жамоаларидан устун бўлишгани, ўйин давомида тўпни ўз назоратларида кўп ушлаб туришганлиги кузатилди. Аммо ўйин давомида бир-икки футболчиларнинг ноаниқ ҳаракатлари, жамоа ўйинининг бир маромда бўлмаганлиги, хал қилувчи (Ироқ, Эрон ёшлар жамоаси билан) ўйинларда жамоамиз учун кутилган натижани бермаган. Футболчиларимизнинг рақиб дарвозасига берилган зарбалари тахлил қилинганда, берилган зарбалар сони бўйича кўрсатгичлар яхши эканлиги маълум бўлди, улар ўйин давомида рақиб дарвозаси томон ўртача 10–17 марта зарбалар йўллашган. Бу ҳалқаро ўйинлар мезони бўйича яхши кўрсаткичдир. Лекин берилган зарбалар самарадорлиги анча паст (42-44%). Юқорида қайд қилинган техник-тактик харакатларнинг футболчилар томонидан самарасиз ижро этилиши жамоанинг муваффақиятга эришишига тўсқинлик қилади. Аммо биз футболчиларимизнинг техник-тактик ҳаракатларини бутунлай ишончсиз дея олмаймиз, чунки олимпия жамоамиз гурухнинг дастлабки учрашувда Осиёнинг етакчи жамоаси билан тенгма тенг ўйин кўрсатди. Хулосалар. Якуний хулосалар шундан иборатки, халқаро учрашувларда айрим футболчиларимизнинг техник-тактик харакатларда хатоликларга йўл қўйишлари, уларнинг жисмоний тайёргарлиги паст даражада эканлиги, халқаро тажрибанинг етишмаслигидандир.Сўнгги йилларда бизнинг етакчи жамоаларимиз Осиёнинг нуфузли халқаро ўйинларидаги рақибларига мағлубиятга учрашмоқда. Бу эса Араб давлатлари ва Ж. Корея, Япония жамоаларининг умумий тайёргарликлари анча устун эканлиидан далолатдир. Бинобарин, халқаро нуфузли мусобақаларга тайёргарлик кўриш самарадорлиги бўлажак рақиб жамоа футболчиларига хос жисмоний функционал ва техник-тактик тайёргарлик бўйича моделлаштирилган машғулотлар ҳамда халқаро синов турнирлари асосида таъминланиши мумкин. 3 90 International scientific journal ISSN: 2181-3906 «MODERN SCIENCE АND RESEARCH» 2023 VOLUME 2 / ISSUE 4 / UIF:8.2 / MODERNSCIENCE.UZ