Endodonto-parodontal shikastanishlarni davolash samaradorligini oshirish

Аннотация

Klinik amaliyotda stomatologlar ko'pincha endodont va parodont to’qimalarining birlashgan zararlanishiga duch kelishadi. Ushbu holatlar endodontoperodontal shikastlanishlar (EPSH) deb ataladi va endodont va parodontdagi yallig'lanish va destruktiv o'zgarishlar bilan kechadigan parodontal kasallikning kombinirlangan shikastlanishini anglatadi. Ushbu murakkab patologiya shifokor uchun diagnostika nuqtai nazaridan muhim muammolarni keltirib chiqaradi va ularning klinik ko'rinishlari, endodontiya va parodontologiyada diagnostika va davolash tamoyillari to'g'risida keng bilim va tushunishni talab qiladi. Parodontal to'qimalarda yallig'lanish jarayoni tishlarning pulpasiga sezilarli ta'sir ko'rsatadi: II darajali umumiy parodontit bilan pulpada qaytarilmas o'zgarishlar tishlarning 54-56 foizida aniqlangan. Parodont, pulpa va periodontdagi surunkali yallig'lanish odontogen o'chog’i sifatida qaraladi, bu esa o'z navbatida surunkali stomatogen o'choqning tarkibiy elementi hisoblanadi. Ushbu muammolarni hal qilish bu sohadagi tadqiqotchilar uchun dolzarb hisoblanadi.