Гиёҳвандлик воситаларини ўтказиш мақсадида содир этилган жиноятлар учун жазо тайинлашни такомиллаштириш масалалари

Аннотация

Бугунги кунда гиёҳвандлик жиноятларига қарши курашга доир жиноят қонунини нормаларини халқаро меъёрларга мувофиқлаштириш жаҳон ҳамжамиятида устувор йўналишлардан бири ҳисобланади. Дарҳақиқат, бугунги кунда гиёҳвандлик муаммоси билан тўқнашмаган давлатни топиш амримаҳол, ушбу ллат келажагимиз бўлган ёш авлоднинг умрига завол бўлиши фуқаролар маънавиятини емирилишига сабаб бўлмоқда. Шундай экан, гиёҳв андлик жиноятлари деярли барча давлатларнинг жиноят қонунларида ғайриқонуний қилмиш сифатида назарда тутилган. Гиёҳвандликнинг олдини олиш ва гиёҳвандлик воситалари ва психотроп моддаларни ғайриқонуний муомаласига қарши кураш самарадорлигини ошириш учун халқаро ҳамкорликнинг муҳим йўналишларидан бири сифатида хорижий мамлакатларнинг ушбу соҳадаги қонун чиқарувчилик, ижро, ҳуқуқни муҳофаза қилувчи, тиббиёт ва жамоат органлари фаолиятининг ижобий тажрибасини ўрганиш ва амалиётга жорий қилиш ҳисобланади.