Оламнинг лисоний манзараси тасвирида концепт ва концептосфера

Аннотация

Когнитив тилшунослик ва лингвокультурологияда концептга ҳар бир миллатнинг дунѐқараши ва менталитети орқали оламнинг лисоний манзарасини тасаввур қилиш сифатида қаралмоқда. Концепт ўзи нима? «Концепт» термини фалсафада У.Т.Гоббс, П.Абеляр, У.Оккам каби файласуфлар асос солган ўрта асрлар концептуализми даврига тегишли бўлиб, уларнинг фикрича, концептлар нарсалар белгиларини умумлаштирувчи ва онг томонидан унинг ички фойдаланиши учун гавдалантирилган, ўзида муҳим ва долзарб ахборотни жамлаган универсал омиллардир. «Концепт» термини илк марта С.Н.Аскольдовнинг 1928 йилда ѐзилган «Концепт ва сўз» мақоласида ишлатилган.