ΜΑΤΕΜΑΤΙKA O'QITISH METODIKASI 2

Аннотация

Ushba o'quv qo'llanmada talabalarning matematika o'qitish metodikasi fani doirasida matnli masalalar yechish ko'nikmasini rivojlantirishga oid masalalar ko'rilgan. Qo'llanma matematika, boshlangich ta'lim va jismoniy madaniyat ta'lim yo'nalishi talabalari, shuningdek, umumiy o'rta ta'lim maktablari o'quvchilari uchun mo'ljallangan bo'lib, bir nechta matnli masalani o'z ichiga olgan. Masalalarni yechish uchun chuqur matematik bilim emas, balki matematik mushohada yuritish va topqirlik ko'proq talab qilinishi aks ettirilgan. Qo'llanmadan sinfdan tashqari mashg'ulotlarda, o'quvchilarni turli matematik musobaqalarga tayyorlash jarayonida foydalanish mumkin. Qo'llanmadan joy olgan mantiqiy fikrlashga undovchi ko'plab masalalar har bir o'quvchida qiziqish uyg'otadi. O'zbekiston Respublikasi Oliy va o'rta maxsus ta'lim vazirligining 2022 yil 30 dekabrdagi 429-sonli buyrug'iga asosan o'quv qo'llanma sifatida chop etishga ruxsat berilgan.