ONA TILINI O'QITISH METODIKASI

Аннотация

Mazkur o'quv qo'llanmada fanning predmeti, maqsadi va vazifalari, mazmuni, o'qitish metodlari, usullari va vositalari, ona tili va o'qish savodxonligi darslarining sinfda hamda sinfdan tashqari mashg'ulotlarida bolalar adabiyoti namunalari ustida ishlash metodikasi misolida o'z aksini topgan. Shuningdek, boshlang'ich sinflarda adabiy-nazariy ma'lumotlar, turli janrdagi asarlar matni ustida ishlash metod, usul va vositalari, matn tahliliga xalqaro tajribalarni tatbiq qilish namunalari keltirilgan. Talabalarning o'z bilimlarini tekshirish uchun tavsiya etilgan testlar, mustaqil ishlariga doir savol-topshiriqlar bo'lajak boshlang'ich sinf o'quvchilarining kasbiy kompetentsiyasini rivojlantirishga yo'naltirilgan. Oliy ta'lim muassasalarining boshlang'ich ta'lim fakulteti talabalariga mo'ljallangan ushbu o'quv qo'llanmadan magistrlar, mustaqil izlanuvchilar, boshlang'ich sinf o'qituvchilari foydalanishlari mumkin. O'quv qo'llanma O'zbekiston Respublikasi Oliy va o'rta maxsus ta'lim vazirligining 2022-yil 30-dekabrdagi 429-sonli buyrug'iga asosan nashr etishga ruhsat berilgan (Ro'yxatga olish raqami 429-363)