Илмий дискурс прагматикаси кўрсаткичлари

Аннотация

Фан тилининг ўзига хослиги, унинг кўлами кенглиги, лисоний жиҳатдан мукаммал қурилишга эгалиги барчага маълум. Илмий битиклар ҳеч қачон олам манзарасини бевосита, тўғридан-тўғри акси ѐки сурати сифатида қабул қилинмаслиги керак. Улар тадқиқотчининг лисоний-тафаккур фаолияти маҳсулоти бўлиб, бу маҳсулотда инсоннинг воқеликка субъектив муносабати, унинг ўй-фикрлари, ғоявий-руҳий ҳолатлари ўз аксини топади. Энг муҳими, илмий асар муаллифи, худди бошқа ижодкорлар каби ўз тингловчисига таъсир ўтказиш мақсадини кўзлайди ва бу таъсир фақат интеллектуал маънода бўлмасдан, балки эмоционал хусусиятга ҳам эга.