Чизма геометрияда таянч метрик масалаларни ечишнинг янги тўғри бурчак усули

Аннотация

Чизма геометриянинг ортогонал проекциялаш бўлимида ихтиёрий вазиятдаги текисликларни бирор проекциялар текислигига параллел вазиятга келтириш асосидаги янги услубни яратиш, масалалар ечимини соддалаштириш ҳамда усулдан фойдаланиб амалий техник чизмаларни бажариш самарасини ошириш ишнинг асосий мақсади ҳисобланади. Фойдаланиб келинаётган усулларда метрик масалаларнинг ечилишини таҳлили асосида, чизма геометриянинг ортогонал проекциялаш бўлимида, бир томони махсус бўлган тўғри бурчакнинг ҳақиқий кўринишидан фойдаланиб, проекцияловчи ва ихтиёрий вазиятдаги текисликларни проекциялар текисликларидан бирортасига параллел вазиятга келтириш мумкинлигини назарий асослашдир.