Дискурс таркибидаги метафораларнинг таснифий белгилари

Аннотация

Метафораларнинг таснифи турли нуқтаи назарлардан келиб чиққан ҳолда амалга оширилади. Масалан, метафорик кўчимларга учраётган бирликлар қайси сўз туркумига оидлигига нисбатан от, феъл, сифат, равиш метафоралари ажратилади. Формал хусусиятларига нисбатан метафоралар имплицит ва эксплицит турларга тақсимланса, уларнинг семантик вазифасидаги фарқлар онтологик, структур ва маконлаштириш метафораларни ажратишга имкон беради. Шунингдек, баъзан "фаол", "ҳаракатсиз" ва "ўлик" метафоралар ҳам ўзаро фарқланади. Ушбу гуруҳлар тақсимотига жалб қилинадиган мезонлар кўпинча бир-бирини такрорлайди ва бу тасниф аниқ кўринишга эга бўлмаслигига туртки беради.