Tarqoq skleroz bilan kasallangan bemorlar reablitatsiyasida transkranial magnit stimulyatsiyasining o‘rni

Аннотация

Tarqoq skleroz (TS) - bu markaziy asab tizimining oq moddasida autoimmun yallag‘lanish jarayoni natijasida demiyelinizatsiyalanish bilan kechuvchi va buning natijasida og‘ir nevrologik alomatlar bilan o‘zini namoyon qiladigan surunkali progressiv kasallik. Hozirgi kungacha TS ning amaliy jihatdan eng muhim va shu bilan birga yetarli darajada o‘rganilmagan jihatlaridan biri ushbu toifadagi bemorlarni reabilitatsiya qilishning to‘laqonli ishlab chiqilmaganligidir. Kasallikning og‘ir kechishini, uning bemor va oila a’zolariga ijtimoiy va iqtisodiy jihatdan ko‘plab salbiy ta’sir etishini va kasallikning aholi orasida keng tarqalganini inobatga oladigan bo‘lsak bu juda dolzarb hamda sotsial ahamiyatga ega masaladir.