Lirikada ruh va qalb tarbiyasi

Аннотация

Halima Ahmedova sheʼrlarini muayyan ruhiy holatning rangin manzaralari deyish mumkin. Undagi obrazning badiiy qiyofa, salmoqdorlik, originallik, emotsionallik kasb etishida xayol, orzu, istak, armon, sog'inch, tasavvur kabi bir qator tushunchalar muhim rol o'ynagan. Unda deyarli ko'tarinki ritorik pafosni ko'rmaymiz. Poetikasining umumiy pafosini esa o'ychan va mahzun kayfiyat tashkil etadi. Albatta, bu ko'proq ijodkorning xarakteri, qiziqishlari, turmush tarzi, dunyoqarashi va psixologiyasi bilan bog'liq juda murakkab jarayonlar mahsuli. Biroq, tushkun yo quvnoq kayfiyat va holatning baribir real hayotiy asoslari mavjud, qandaydir yaxshi xabar yoki ko'ngilsiz voqea sodir bo'lgan bo'lsa, bordir, biroq, sheʼrda ana shu asos ochiq-oydin ko'zga tashlanmaydi, balki undan olingan taassurot, ruhiy-psixologik holatning turli-tuman manzaralari namoyon bo'ladi.