Мутант тизмаларнинг вилт замбуруғлари билан табиий зарарлантирилган муҳитда вилт касаллиги билан умумий ва кучли даражада зарарланиши

Аннотация

Тажрибаларда мутантлараро дурагайлаш (Ғ6 ) натижасида ва чигитларни нурлантириш асосида яратилган янги тизмаларнинг вилт касаллиги билан умумий ва кучли даражада зарарланиши институтнинг вилт замбуруғлари билан табиий зарарлантирилган муҳитида андоза С-6524 нави билан таққосланган ҳолда аниқланди. Вилт касаллиги билан зарарланишини ҳар бир тизмадан 50 тадан ўсимликларни умумий ва кучли даражада зарарланиши бўйича таҳлил қилинганлиги ёритилган. Вилт билан зарарланиши бўйича мутантлараро дурагайлаш натижасида яратилган Т-248, Т-255 ва Т-257 тизмалари, чигитларни нурлантириш асосида яратилган Т-275, Т-282 ва Т-286 тизмалари бошқа тизмаларга нисбатан вилт касаллигига бардошли бўлганлиги аниқланди.