KLASTЕR SHAROITIDA INGLIZ TILINI TЕZKOR O‘QITISHNING ARALASH TA’LIM TЕXNOLOGIYALARI (nofilologik ta’lim yo‘nalish talabalari misolida)

Аннотация

Dissertatsiya mavzusining dolzarbligi va zarurati. Jahon ta’lim amaliyotida ta’lim oluvchilarning kasbiy kompetentligini rivojlantirishda pedagogik va axborot texnologiyalarini keng ko‘lamda qo‘llashga bo‘lgan ehtiyoj tobora ortmoqda. Shu jihatdan raqamli axborot-kommunikatsion texnologiyalarining taraqqiyoti natijasida yuz berayotgan globallashuv va axborotlashtirish jarayonlari ta’lim tizimini zamonaviylashtirish zaruratini keltirib chiqarib, xalqaro muloqot vositasi hisoblangan xorijiy tillar ta’limiga bo‘lgan talabni yanada kengaytirmoqda. Rivojlangan Germaniya, AQSH, Fransiya va Buyuk Britaniya kabi davlatlardagi xorijiy tajriba bo‘lajak o‘qituvchilarning kasbiy kompetentligini oshirishda raqamli axborot texnologiyalar samaradorligi, xususan, pedagogik ta’lim tizimini raqamlashtirishning yangi sifat bosqichiga ko‘tarish maqsadida chet tillarini an’anaviy hamda onlayn, shuningdek, aralash shaklda o‘qitishning pedagogik imkoniyatlarini oshirish bo‘yicha amaliy ishlar olib borish muhim ahamiyat kasb etmoqda.