UMUMTA`LIM MAKTABLARIDA O`QUVCHILARNING TAHLILIY KOMPETENSIYASINI SHAKLLANTIRISH METODIKASINI TAKOMILLASHTIRISH (10-sinf “Jahon tarixi” fani misolida)

Аннотация

Dissertatsiya mavzusining dolzarbligi va zaruriyati. Jahon taʼlim tizimidagi zamonaviy yondashuvlar, talablar, taʼlim mazmunini milliy anʼanalar, qadriyatlar asosida takomillashtirish orqali samaradorlikka erishish, tarixiy qadriyatlar, anʼanalarning didaktik imkoniyatlaridan foydalanish kabi masalalar taʼlim islohotlarining asosiy yo`nalishlarini tashkil etadi. Shuningdek, bugungi kundagi mazkur yo`nalishda tarix fanini o`qitish borasidagi yangiliklar, o`zgarishlar va qonunlar, zamonaviy va tarixiy manbalardan samarali foydalanish metodikasi dolzarb pedagogik muammolar sirasiga kiradi. Xususan, taʼlim oluvchilarning tahliliy kompetensiyasini shakllantirishda tarix taʼlimi amaliyotidan foydalanish yuzasidan Yevropa va Osiyoning rivojlangan mamlakatlarida olib borilgan tadqiqotlar natijalari umumtaʼlim maktablari o`quvchilarining tahliliy kompetensiyasini shakllantirish metodikasini takomillashtirishda muhim ahamiyat kasb etadi