Топонимлар билим тузилмаларининг вербализатори сифатида

Аннотация

Маълумки, топонимлар халқ тарихи, маданиятини, уларнинг пайдо бўлиши билан боғлиқ муайян билим тузилмаларни авлоддан-авлодга етказади. Топонимлар тизими тараққиётини миллатнинг дини ва мифологияси, унинг маданияти ва анъаналарининг шаклланиш тарихисиз тасаввур қилиб бўлмайди. С. Хантимиров таъкидлаганидек, ҳар қандай географик ном - тил системасидаги шунчаки изоляцияланган сўз эмас, айниқса, йирик географик объектлар ҳақида сўз кетса, бу исталган халқ тарихи ва маданий ривожланиши учун замин бўлган ўқдир. Ҳар бир миллатнинг асосини ташкил этувчи ўзак категорияларидан бири бу диндир.