Қушторон ўсимлиги (polygonum aviculare) асосида олинган янги дори воситалар фармакологияси

Аннотация

Дунё бўйлаб турли сабаблар туфайли келиб чиқадиган қон кетишларни юқори самарали комплекс даволаш ва олдини олиш учун ҳар хил табиий ҳамда синтетик дори воситаларини қўллаш борасида тадқиқотлар ўтказишга жиддий эътибор қаратилган. Шунга асосланиб, янги дори воситаларининг гемостатик таъсирини ўрганиш муҳим аҳамият касб этади. Шу билан бир қаторда, қон кетишини тўхтатиш самарадорлигини оширишда янги илмий асосланган натижалар талаб қилинади. Оптимал таъсир этувчи дори миқдори ва концентрациясини белгилаш, шунингдек, тажриба ҳайвонлари организмига ўрганилаётган воситаларнинг умумфармакологик таъсири тавсифлаш ҳамда қон кетишларнинг турли моделларига, жароҳатдан кейинги қон кетишлар хусусиятларини баҳолаш ва уларни самарали даволаш механизмини ишлаб чиқиш алоҳида аҳамият касб этади.