Экспериментал гипопаратиреозда найсимон суяклар суякланишининг морфофункционал тавсифи

Аннотация

Жаҳонда экспериментал гипопаратиреозда найсимон суяклар суякланишининг морфофункционал тавсифи гипопаратиреоз таъсирида суякланиш параметрларини морфофункционал тавсифлаш мақсадида қатор илмий тадқиқотлар амалга оширилмоқда. Бу борада, эндхондрал суякланиш жараёнида морфологик тузилмаларнинг экспериментал гипопаратиреоз чақирилган каламушларда кузатувнинг турли муддатларида морфологик ўзгаришларини ҳамда тажрибада остеоген элементлар тузилишидаги ўзгаришлари даражаси ва бу ўзгаришларнинг суяк тузилишида морфологик намоён бўлишини баҳолашни илмий асослаш зарурияти юзага келмоқда. Фармокологик коррекция қилинган гипопаратиреоз шароитида дифференциаллашаётган тоғайларнинг морфологик ва морфометрик хусусиятларни таҳлил қилиш ва суякларнинг турли сохалари, яъни эпифиз, метафиз ва диафизларида тоғай, суяк ва суяк усти пардалари ҳужайравий таркибининг суякланиш интенсивлигидаги аҳамиятини баҳолаш ҳамда кузатиладиган морфологик ўзгаришлари орасидаги боғлиқликни баҳолаш тизимини ишлаб чиқиш ва шаклий ўзгаришларни олдини олишга қаратилган тадбирларни такомиллаштириш кабилар алоҳида аҳамият касб этади.