BO‘LAJAK JISMONIY MADANIYAT MUTAXASSISLARINI KASBIY FAOLIYATGA TAYYORLASHDA ULARNING KOMPETENTLIGINI TAKOMILLASHTIRISH (mustaqil ta’lim jarayonida)

Аннотация

Dissertatsiya mavzusining dolzarbligi va zarurati. Jahonning ko‘pgina taraqqiy etgan mamlakatlarida oliy ta’limga zamonaviy pedagogik paradigma sifatida qaralib, kompetensiyaviy yondashuvga ega mutaxassislarni tayyorlashga talab ortmoqda. 2015-yilda Janubiy Koreyada o‘tkazilgan “Butun jahon ta’lim muammolari forumi”da qabul qilingan “Incheon declaration”da ochiq ta’lim muhitini yaratish va ta’limda kompetensiyaviy yondashuvni qaror toptirish orqali “butun hayot davomida” sifatli ta’lim olishga imkoniyat yaratish jahon mamlakatlari uchun asosiy vazifalardan qilib belgilangan. Shu nuqtayi nazardan, bo‘lajak jismoniy madaniyat mutaxassislarida kasbiy kompetentlikni rivojlantirishning ilmiypedagogik asoslarini takomillashtirishga nisbatan ilmiy yondashuvni qaror toptirishga ehtiyoj sezilmoqda. Bu bo‘lajak jismoniy madaniyat mutaxassislarida kasbiy kompetentlikni rivojlantirishning ilmiy-pedagogik konsepsiyasini yaratishni taqozo etadi.