RAQAMLI TEXNOLOGIYALAR ASOSIDA INFORMATIKA O‘QITISH METODIKASINI TAKOMILLASHTIRISH (PEDAGOGIKA OLIY TA’LIM MUASSASALARI MISOLIDA)

Аннотация

Dissertatsiya mavzusining dolzarbligi va zarurati. Jahon ta’lim muhitida o‘quv fanlarini itnegrativ o‘qitishning universal texnologiyalarini diaktik jarayonlarga tatbiq qilish orqali yetuk mutaxassislarni tayyorlash tendensiyalarini pedagogik konpediumga moslashtirish bo‘yicha tizimli ishlar olib borilmoqda. Jahonning yetakchi universitetlarida informatika, IT (axborot texnologiyalari) sohasini rivojlantirish, maxsus maqsadlarga yo‘naltirib o‘qitish, mutaxassislarning kasbiy-sohaviy kompetensiyalarini rivojlantirish masalalari keng tadqiq qilina boshlandi. Xususan, strategik sohalardan biri hisoblanuvchi IT yo‘nalishida mutaxassislarning kasbiy layoqatga ega bo‘lishlariga katta e’tibor qaratilmoqda. Shu jihatdan olganda, oliy ta’lim muassasalarida tahsil olayotgan mutaxassislarning informatika sohasidagi bilim, ko‘nikma, malakalarni o‘stirish, sohaga oid kompetensiyaga ega bo‘lishlarini ta’minlash zarur bo‘lib hisoblanadi.