TALABALARNING KASBIY KOMPETENTLIGINI SHAKLLANTIRISHDA RAQAMLI TEXNOLOGIYALARDAN FOYDALANISH METODIKASINI TAKOMILLASHTIRISH

Аннотация

Dissertatsiya mavzusining dolzarbligi va zarurati. Jahon ta’lim tizimida rivojlangan davlatlar tomonidan qabul qilingan “Ta’lim – 2030 Inchxon deklaratsiyasi”da “Hozirgi davrda bilim kuch manbai, ta’lim esa uni imkoniyatlarini oshiradi. Bu ikki jihat rivojlanish formulasining ajralmas qismidir” deb e’tirof etilgan. Bundan tashqari oliy ta’limni rivojlantirishda ta’limni individuallashtirish, kompyuterlashtirish va standartlashtirish kabi umumiy tendensiyalarga e’tibor berilmoqda. Dunyo ta’lim tizimida elektron axborot-ta’lim resurslaridan foydalanib, fanlarning metodik ta’minotini takomillashtirish, talabalarning kasbiy kompetentligini shakllantirish va rivojlantirish, mashg‘ulotlarda elektron ta’lim resurslaridan va raqamli texnologiyalaridan keng ko‘lamda hamda ommaviy foydalanish tadqiq qilinmoqda. Ko‘plab sohalarni rivojlantirish va raqamlashtirish, talabalarga innovatsion bilim berish, ularning kasbiy ko‘nikma va malakalarini doimiy takomillashtirib borish ustivor vazifa sifatida belgilangan. Xalqaro hamjamiyatda bugungi kunda zamonaviy ta’lim jarayoni interaktiv, multimedia va raqamli texnologiyalardan foydalanib o‘qitishning faol usullarini ta’minlovchi ta’lim resurslaridan foydalanish samaradorligi aniqlandi.