O'quvchilarda altruistik fazilatlarni rivojlantirish texnologiyasi(Tarbiya fani misolida)

Аннотация

Jahonda tobora jadallashib borayotgan axloqiy “inqiroz” yoshlarda altruistik fazilatlarni rivojlantirishni, ularda jo„mardlik va oliy janoblikka asoslangan ijtimoiy faollikni,yurtga sadoqat va shaxsiy mas'uliyatni oshirishning ilmiy-pedagogik yechimlarini ishlab chiqishni talab etmoqda. Ayni paytda rivojlangan mamlakatlarning maktab ta'limida o`quvchilarda yuksak axloqiylik, insonparvarlik va altruistik fazilatlarni rivojlantirishning yangicha modellarini yaratishda innovatsion mexanizm va texnologiyalarni qo`llashga doir ko`plab amaliy ishlar qilinmoqda. Zero, kapitalsitik munosabatlar rivojlanayotgan, inson kapitali ham “sotilayotgan”, qadrqimmati u keltirayotgan foyda bilan o'lchanayotgan, bozor qonuniyatlari insoniy munosabatlarga ham ko`chayotgan bir sharoitda insoniylikni saqlab qolish, buning uchun altruistik fazilatlarni rivojlantirish yo'llarini takomillashtirish dolzarb vazifalardan biri bo'lib qolmoqda.