Бўйлама йўл-йўл нақшли пахта-ипакли трикотаж тўқималарини мустаҳкамлик ҳусусиятлари тадқиқи

Аннотация

Тадқиқот ишида бўйлама йўл-йўл нақшли пахта-ипакли трикотаж тўқималарининг мустаҳкамлик хусусиятлари ТТЕСИ қошидаги «CentexUz» синов лабораториясида ўрнатилган замонавий ускуналарда аниқланди. Намунага куч бериб, уни узилгунча чўзиб, трикотаж тўқимасининг давлат стандартларида белгиланган асосий механик хусусиятларидан бири мустаҳкамлик ва узилишдаги узайиш кўрсаткичи аниқланади. Мустаҳкамлик ва узилиш кўрсаткичи унча катта бўлмаган куч таъсирида стандарт 5 х 20sm ўлчамдаги тўғри бурчак намунанинг узилиш пайтидаги чидамлилиги билан тавсифланади. Тақдим этилган бўйлама йўл-йўл нақшли пахта-ипакли трикотаж намуналарининг узилиш кучи ва узилишдаги узайиш кўрсаткичлари стандарт услуб бўйича аниқланди. Бўйлама йўл-йўл нақшли пахта-ипакли трикотаж тўқима намуналарининг бўйи бўйича узилиш кучи кўрсаткичлари 674N дан 881N гача, эни бўйича узилиш кучи кўрсаткичлари эса 548N дан 706N гача оралиқда ўзгарди.