SITOLOGIYA, GISTOLOGIYA VA EMBRIOLOGIYA

Аннотация

Gistologiya (yunon. histos-to`qima, logos-ta`limot, fan) hayvonlar va odam organizmidagi to`qimalarning taraqqiyoti, tuzilishi va hayot faoliyatini o`rganuvchi fandir. Hozirgi paytda gistologiya fani faqatgina organizm strukturalari, ularda yuz båradigan jarayonlarni o`rganish bilan chågaralanib qolmasdan, balki moddalar almashuvi va funksional jarayonlarni shu strukturalar bilan bog`liq holda mikroskopik va submikroskopik darajada o`rganadi. To`qimalar hujayra va hujayra shakliga ega bo`lmagan tirik moddalardan tuzilganligi, to`qimalarning embrional taraqqiyot jarayonida kålib chiqishi va barcha a`zolar to`qimalardan tuzilganligini hisobga olib, gistologiya kursi tarkibida sitologiya, embriologiya, umumiy va xususiy gistologiya bo`limlari farq qilinadi. Gistologiya fani anatomiya, fiziologiya, biokimyo, gånåtika, patologik anatomiya va boshqa biologik hamda klinik fanlar bilan yaqin aloqadadir. Hozirgi paytda gistologiyada kång qo`llanilayotgan biokimyo, biofizika va molåkulyar biologiyaning tadqiqot usullari shikastlanmagan hujayraning strukturbiokimyoviy tashkillanishi va tuzilmalarini o`rganish uchun kång imkoniyatlar yaratmoqda. Gistologiyada qo`llaniladigan xilma-xil va ko`p qirrali tadqiqot usullari o`rganilayotgan obyåktni mikroskopik va submikroskopik hamda gistokimyoviy tahlil qilish imkonini båradi.