Иссиқликбардош фильтрбоп тўқималарни сирт зичлиги бўйича лойиҳалаш

Аннотация

Мақолада филтрлаш тўқималарига қўйиладиган асосий талаблар, кимёвий ва шиша толалардан тайёрланган тўқималарда ғовакларнинг табиати ва жойлашишига қараб қўйиладиган талаблар, фильтрбоп техник тўқималарни ҳаво ўтказувчанлиги тўқиманинг ғоваклиги ва толавий таркибига боғлиқлиги келтирилган. Тўқимали фильтрлар нафақат фильтрлаш хоссалари, балки эксплуатасион хусусиятлари билан ҳам тўқима тузилишига боғлиқлиги, филтрбоп тўқималарини тўкима тузилишининг В фазасида ишлаб чиқаришга харакат қилиниши ва тўқимада тенг зичликка, тенг мустаҳкамликка эга бўлишига харакат қилиниши ўрганилган. Фильтрбоп тўқималарнинг ғоваклиги бўйича лойиҳалашда унинг ғоваклиги ва тўқиманинг тузилиш параметрлари ўртасидаги боғлиқликни ҳисобга олган ҳолда, хомашё турига, танда ва арқоқ ипларининг нисбий ҳолати ва ўлчамларига, тўқиманинг танда ва арқоқ бўйича зичлигига боғлиқлигини аниқлаш келтирилган. Шунингдек бир ярим қатламли филтрбоп тўқимани лойиҳалашда тўқимани лойиҳалашда унинг тузилиш фазаси, тўқимада иплар ўлчамининг ўзгариш коеффициенти, тўқиманинг танда ва арқоқ бўйича зичлиги, тўқимани танда ва арқоқ бўйича толали материаллар билан тўлдириш коэффициентлари ҳамда лойиҳаланган тўқиманинг ҳисобий ғоваклиги аниқланган. Тадқиқот натижасида фильтрбоп тўқима тузилиши ва хусусиятлари ўртасидаги функционал боғлиқликлари олиниб, тўқимани тўқув дастгоҳига тахтлаш технологик параметрлари аниқланган.